نتانیاهو آوروپا بیرلیگییندن گوزلهدیگینی آلابیلمهدی
نتانیاهو آوروپادان گؤزلهدیگی دستک و داورانیشی گؤره بیلمدیکده یانکر ایله گؤروشونو لغو ائدهرک شهردن آیریلدی.
![نتانیاهو آوروپا بیرلیگییندن گوزلهدیگینی آلابیلمهدی](http://cdn.trt.net.tr/images/xlarge/rectangle/747c/a45f/cea8/5a2f79fa41906.jpg?time=1719006447)
ایسرائیل-ین باش ناظیری بنیامین نتانیاهو آوروپا بیرلیگی کومیسیونونون صدری ژان کلود یونکر و آوروپا بیرلیگی خاریجی ایشلر ناظیرلریله گؤروش کئچیرمک اوچون بلژیک-ین پایتاختی بروکسل-ه سفر ائتدی. نتانیاهو آوروپادان گؤزلهدیگی دستک و داورانیشی گؤره بیلمدیکده یانکر ایله گؤروشونو لغو ائدهرک شهردن آیریلدی.
ایسرائیلدن آوروپا بیرلیگینه 22 ایلدن سونرا ایلک دفعه باش ناظیر سویهسینده سفر رئاللاشماسینا باخمایاراق پروتکل قایدالاری پوزولاراق نتانیاهونون آوروپا بیرلیگینین خاریجی ایشلر ناظیری سویهسیندکی خاریجی علاقهلر و تهلوکهسیزلیک سیاستی عذره آلی نمایندهسی فدریکا موگرینی طرفیندن قارشیلانماسی دقت چکدی.
موگرینی و آوروپا بیرلیگینه عضوو اؤلکهلرین خاریجی ایشلر ناظیرلریله چالیشما سحر یئگمینه قاتیلمادان اولو اول آچیقلامالار وئرن نتانیاهو بوتون آوروپا اؤلکهلرینین امریکا پرزیدنتی ترامپ-ین دسامبرین 6-دا قودسو ایسرائیل-ین پایتاختی کیمی تانیما قرارینا عمل ائدهرک بویوک ائلچیلرینی قودسه کؤچورجگینی و قودسو ایسرائیل-ین پایتاختی اولاراق تانییاجاغینی دوشوندوگونو دیله گتیرمیشدی.
آنجاق نتانیاهونون خاریجی ایشلر ناظیرلریله گؤروشوندن سونرا مطبوعات کنفرانسی کئچیرن موگرینی "نتانیاهو بو گؤزلنتیلرینی باشقا اؤلکهلر اوچون محافظه ائده بیلر. آوروپا بیرلیگی بو ایستیقامتده آددیم آتمایاجاقدیر” ایفادهسینی دیله گتیردی.
موگرینی 28 آوروپا بیرلیگی عضوونون خاریجی ایشلر ناظیرینین باش ناظیر نتانیاهویا آچیق مئساژ وئردیگینی بیلدرهرک دئدی کی، خاریجی ایشلر ناظیرلری نتانیاهویا آوروپا بیرلیگی-ده قودسون ایکی دؤولتین ده پایتاختی اولماسینی تامین ائدهجک، ایکی دؤولتلی حل مسئله سینده تامامیله هم رای اولدوغونو خصوصیله گؤسترمیش اولدو.
توپلانتی زامانی آوروپا بیرلیگی خاریجی ایشلر ناظیرلری امریکانین قودسو پایتاخت اعلان ائدن قرارینا سرت رئاکسیا گؤسترهرک، بویوک ائلچیلرین قودسه کؤچورولمهیهجگینی تصدیقلهدی.
ناظیرلردن گؤزلهدیگی دستکی گؤره بیلمهین نتانیاهو ژان کلود یونکر ایله گؤروشونو لغو ائدهرک بروکسل-دن آیریلدی.