سئرگی لاوروو: کوره یاریم آداسی ساواشیندا، ایلک قوربانلارین ژاپون و جنوبی کوره
لاوروو، پیونگ یانگین موشک و نوکلئر سیناقلارینی پیسلیرکن، آمریکالی همکارلارینین تخریبات کاراکترلی موقعیتینی ده اینجیمهدن کئچمیهجگینی بیلدیریب
روسیا خاریجی ایشلر ناظیری سئرگی لاوروو کوره یاریم آداسیندا ساواش وضعیتینده، ایلک قوربانلارین ژاپون و جنوبی کوره اولاجاغینی دئییب.
بلاروس مرکزلی STV کانالینا موصاحیبه وئرن لاوروو، پیونگ یانگین موشک و نوکلئر سیناقلارینی پیسلیرکن، آمریکالی همکارلارینین تخریبات کاراکترلی موقعیتینی ده اینجیمهدن کئچمیهجگینی بیلدیریب.
لاوروو،
"تأسف کی، اؤزلری (آمریکا مقاملاری)، عینی طرفه ژاپون و جنوبی کوره ده چکمهیه چالیشیرلار کی، بو اؤلکهلر کوره یاریم آداسیندا ساواش باشلاماسی حالیندا ایلک قوربانلار اولاجاق" ایفادهلرینی ایستیفاده ائتدی.
لاوروو، روسیانین بیرلشمیش میللتلر امنیت شوراسینین (بمگک) شمالی کورهیه تطبیق ائتدیگی و پیونگ یانگین ایدخالات و ایخراجات ایمکانلارینی جیدی شکیلده محدودلاشدیران تحریملری تام تطبیق ائتدیگینی بیلدیریب.
روس دیپلومات، "کوره یاریم آداسینداکی وضعیتین کوللکتیو امنیت موقاویلهسی تشکیلاتینی ناراحات ائدیر کی؟ سوالینا ایسه "شمالی کورهنین نوکلئر سیلاحینا صاحب اولما طلبلرینی قبول ائتمیهجگیک. کوللکتیو امنیت موقاویلهسی تشکیلاتینا عضو اولان بوتون اؤلکهلر بیرلشمیش میللتلر امنیت شوراسینین قرارلارینی دستکلییر" دئیه دانیشدی.