کانادادا شما‌لی کوره بحرانی موذاکیره اولوناجاق
فریلند، ائتدیگی یازیلی آچیقلامادا، شما‌لی کوره‌نین سون بالیستیک موشک سیناغینی شدتله قینادیق‌لارینی بیلدیریب
کانادا خاریجی ایشلر ناظیری کریستیا فریلند، اؤلکه‌سینده کئچیریله‌جک خاریجی ایشلر ناظیرلری‌نین ایجلاسیندا شما‌لی کوره بحرانی‌نین موذاکیره اولوناجاغینی بیلدیریب.
فریلند، ائتدیگی یازیلی آچیقلامادا، شما‌لی کوره‌نین سون بالیستیک موشک سیناغینی شدتله قینادیق‌لارینی بیلدیریب.
شما‌لی کوره‌نین، بیرلشمیش میللت‌لر امنیت شوراسی‌نین قرارلارینی بیرباشا پوزونتو ائتدیگینی وورغولایان فریلند، بون‌لاری قید ائتدی:
بو" سون سیناق، بؤلگه‌سل و قلوبال امنیتی تهدید ائدن قورخوسوز و تهلوکه‌لی بیر داورانیش‌دیر. کانادا، ژاپون، جنوبی کوره و بؤلگه‌دکی دیگر طرفداش‌لارا اولان دستگینی بیر داها تکرارلاییر. شما‌لی کوره نوکلئر و بالیستیک موشک پروقرام‌لارینی ترک ائتمه‌یه مجبور ائدن تحریم‌لر داخیل اولماقلا شما‌لی کوره‌نین تهدیدی ایله باغلی بؤلگه‌سل و بین الخالق چابالارا دستگیمیز تام‌دیر".
شما‌لی کوره‌نین نوکلئر و بالیستیک موشک پروقرام‌لاری‌نین دونیایا بیرباشا تهدید یاراتدیغینی بیل‌دیرن فریلند، بو تهدیدین تولئره ائدیلمز اولدوغونا دقتی چکدی.
کانادانین، شما‌لی کوره بحرانینا دیپلوماتیک حلّین ضروری و مومکون اولدوغونا ایناندیغینی ایفاده ائدن کریستیا فریلند،
کوزئی کوره تخریبات‌لاری‌نین داوام ائتدیگی بیر زمینه قارشی، آسیا گؤروشمه‌لریم زامانی آمریکا چین، جنوبی کوره و ژاپون همکارلاریملا بو باره‌ده دفعه‌لرله دانیشمیشام. یاخیندا بو عاجیل اولوسلار آراسی امنیت تهدیدینه قارشی آمریکانین دا قاتیلیمی ایله کانادادا بیر خاریجی ایشلر ناظیرلری کونفرانسی کئچیرجگیک. بو گؤروشمه‌نین تاریخی و یئری واختی گلنده آچیق‌لانا‌جاق". دئیه دانیشدی.
