دیمیتریس آوراموپولوس: تورکیه ایله ویزاسیز سیاحتده سون مرحلهیه گیردیک
آوراموپولوس، تورکیه ایله آوروپا بیرلیگی آراسیندا مدتین ویزاسیز سیاحت موضوعسوندا، یاخیندا موژده وئریلهبیلهجگینه ایشاره ائتدی
![دیمیتریس آوراموپولوس: تورکیه ایله ویزاسیز سیاحتده سون مرحلهیه گیردیک](http://cdn.trt.net.tr/images/xlarge/rectangle/a1ee/c66f/1755/5a1d04ec1de67.jpg?time=1718872037)
آوروپا بیرلیگی کومیسیونو گؤچمن، ایچ ایشلر و وطنداشلیق کومیساری دیمیتریس آوراموپولوس، تورکیه ایله ویزاسیز سیاحتده سون مرحلهیه گیردیغینی آچیقلاییب.
آوراموپولوس، تورکیه ایله آوروپا بیرلیگی آراسیندا مدتین ویزاسیز سیاحت موضوعسوندا، یاخیندا موژده وئریلهبیلهجگینه ایشاره ائتدی.
اولوسلار آراسی امکداشلیق پلاتفورمونون بو ایل 8-جی دفعه کئچیردیگی بوغازیچی ذیروه توپلانتیسینین آچیلیشیندا دانیشان آوراموپولوس بونلاری دئدی:
تورکیه" ایله مشترک بیر هدف ایستیقامتینده چالیشیریق و تورکیه وطنداشلاری اوچون بیومتریک پاسپورت ایله ویزاسیز سیاحتی موژده وئرمک ایستییریک کی، قیسا مدت عرضینده. بونون مسئولیتی ذاتن منیم. آرتیق سون مرحلهیه گیردیک. تورکیه ایله یاخین چالیشیریق کی، یاخین بیر امکداشلیق ایچینده و لازیمی بوتون احتیاجلاری یئرینه یئتیرمهیه چالیشیریق. ویزالارین قالخماسی باش وئرنده اینسانلارین داها چوخ ایرتیباط حالیندا اولماسینی تامین ائدهجک، طرفداشلیغیمیزی داها دا گوجلندیرهجک".
او، همچینین پرزیدنت رجب طیب اردوغانین یونانیستان سفرینی دؤرد گؤزله گؤزلدیگینی سؤزلرینه علاوه ائدیب.