گیروو توتولان اینگیلیس وطنداشی اؤلدورولدو
بؤلگهیه تشکیل اولونان قورتارما عملیاتیندا گیروو ساخلانیلان 3 نفر قورتاریلدی
باتی آفریقا اؤلکهسی نیجریهنین قوزئیینده اولان نفت بؤلگهسیندکی نیجر دئلتاسیندا گیروو توتولان اینگیلیس وطنداشی لن سکوایر اؤلدورولدو.
اینگیلتره خاریجی ایشلر باخانلیغی و نیجریه گوونلیک مقاملاری طرفیندن وئریلن آچیقلامایا گؤره، بؤلگهیه تشکیل اولونان قورتارما عملیاتیندا سکوایر اؤلدورولدو، گیروو ساخلانیلان 3 نفر قورتاریلدی.
نیجریه گوونلیک قایناقلاری، کاروی میلیتانلاری طرفینده گیروو توتولان و قورتاریلان اینگیلیس وطنداشلارینین آدینی آلانا کارسون، دیوید دونووان و شیرلی دونووان اولاراق بیلدیردی.
دیگر طرفدن، اینگیلتره خاریجی ایشلر باخانلیغی مسئلهیه دایر آچیقلاما یایینلادی.
آچیقلامادا، "13 اکتبردا نیجریهده قاچیریلان و بیری فاجعهلی شکیلده اؤلدورولن 4 اینگیلیس وطنداشینین عائلهلرینین یانینداییق. امکداشلاریمیزلا عائلهلره دستک اولماق اوچون الیمیزدن گلهنی ائدجییک" ایفادهلرینه یئر وئریلدی.