دونیانین ان گوجلو پاسپورتو بیر آسیا اؤلکهسینین
ایلک دفعه بیر آسیا اؤلکهسی دونیادا ان گوجلو پاساپورتا صاحب اولدو
ایلک دفعه بیر آسیا اؤلکهسی دونیانین ان گوجلو پاسپورتونا صاحب اولدو.
پاسپورت ایندکس آدلی اینترنت سایتی دونیانین ان گوجلو پاساپورتونا صاحب اؤلکهسینین، وطنداشلاری 159 اؤلکهیه ویزاسیز گئدهبیلن سنگاپور اولدوغونو بیلدیردی.
اؤلکهلرین پاسپورتلارینین گوجلرینی موقایسه ائدن سایت، پاراگوئهنین سنگاپورا قارشی محدودیتلری قالدیرماسی نتیجهسینده کیچیک شهر دؤولتینین دونیانین ان گوجلو پاساپورتونا صاحب اولدوغونو آچیقلادی.
بئلهجه ایلک دفعه بیر آسیا اؤلکهسی دونیادا ان گوجلو پاساپورتا صاحب اولدو. تخمینا 3.4 میلیون سنگاپورلو، 159 اؤلکهیه ویزاسیز سیاحت ائدهبیلیر یا دا ویزانی واردیقلاری اؤلکهنین قاپیسیندا آلیر.
لیستهده 2.جی سیرادا ایسه وطنداشلاری 158 اؤلکهیه ویزاسیز گئدهبیلن آلمانیا یئر آلیرکن، اونو، وطنداشلاری 157 اؤلکهیه ویزاسیز گیرهبیلن سوئد و گونئی کره تعقیب ائدیر.
آمریکا ایسه مالزی، ایرلند و کانادا ایله بیرلیکده 6.جی سیرادا یئر آلیر.
آمریکانین سیراسینین دوشمهسینه تورکیه ایله آمریکا آراسینداکی ویزا بحرانی دا تأثیرلی اولدو.