آوروپا بیرلیگی میانما ایله ساوونما امکداشلیغینی نظردن کئچیرمک قراری آلدی
آراکانلی موسلمانلارین تهلوکهسیز بیر شکیلده گئری قاییتماسینین تامین اولونماسی اولدوغو وورغولانان آچیقلامادا، بؤلگهیه اینسانی یاردیم و مطبوعات داخیل اولمانین جیدی معنادا محدودلاشدیرماغا داوام ائتدیگی بیلدیریلدی
آوروپا بیرلیگی، میانما اوردوسونون آراکاندا نیسبتسیز گوج ایستیفادهسی و اینسان حاقلاری پوزونتولاری سببیله، بو اؤلکه ایله ساوونما امکداشلیغی نظردن کئچیرمک قراری آلدی.
آوروپا بیرلیگی کونسئییندن ائدیلن یازیلی آچیقلامادا، آراکان ایالتینده اینسانی وضعیتین و اینسان حاقلاری پوزونتولارینین چوخ جیدی اؤلچولره چاتدیغی، یاندیرما، آیری-سئچکیلیک قویمادان آتش ائتمه، جینسی شیددت و دیگر فعالیتلره دایر راپورلارین ناراحاتلیق وئریجی اولدوغو قید اولونوب.
آچیقلامادا، "500 میندن چوخ آراکانلی موسلمان، شیدت و قورخو سببیله بانگلادشه سیغینمیشدی. بو قدر چوخ آدامین بو قدر قیسا مدتده قاچماسی معین آزینلیغا قارشی غرضلی فعالیتلرین کسکین بیر گؤستریجیسیدیر. بو زوراکیلیق قبول ائدیلمزدیر و درحال سون قویمالیدیر". ایفادهلری یئر آلدی.
آراکانلی موسلمانلارین تهلوکهسیز بیر شکیلده گئری قاییتماسینین تامین اولونماسی اولدوغو وورغولانان آچیقلامادا، بؤلگهیه اینسانی یاردیم و مطبوعات داخیل اولمانین جیدی معنادا محدودلاشدیرماغا داوام ائتدیگی بیلدیریلدی.
آچیقلامادا، آوروپا بیرلیگی-نین بوتون طرفلره زوراکیلیغی سونا چاتدیرما چاغیریشیندا اولدوغو خاطیرلادیلاراق،
میانمار" اوردوسو بوتون عملیاتلارینا سون وئرمهلی، بین الخالق اینسان حاقلارینا اویغون بیر شکیلده آیری-سئچکیلیک گودمهدن بوتون وطنداشلاری قورومالی". ایفادهسی ایستیفاده ائدیلدی.
میانما حکومتینین جمعیتلر آراسی گرگینلیگی آزالتماق اوچون لازیم اولان بوتون تدبیرلری گؤرمهسی لازیم اولدوغونا ایشاره ائدیلن آچیقلامادا، اینسانی یاردیمین داها چوخ گئجیکمهدن اعتبارلی بیر شکیلده بؤلگهیه چاتدیریلماسی ضروریلیگی وورغولانیب.
آچیقلامادا، "آوروپا بیرلیگی، میانما اوردوسو و امنیت گوجلرینین نیسبتسیز گوج ایستیفادهسی سببی ایله باش قرارگاه رئیسی و دیگر یوکسک سویهلی نیظامی مقانلارینا موناسیبتین بوتون دعوتلری تاخیره آلاجاق و طرفلر آراسیندا ساوونما امکداشلیغی نظردن کئچیرهجک". ایفادهسی یئر آلدی.
آوروپا بیرلیگینین میانمادا ایچ باسقیدا ایستیفاده ائده بیلهجگی سیلاحلارا قارشی تحریمین موجود پروسسلر چرچیوهسینده اعتبارلیلیغینی قورودوغو بیلدیریلن آچیقلامادا، "آوروپا بیرلیگی شوراسی، منطقهده وضعیت یاخشیلاشماسا علاوه تحریم تطبیق ائتمگی دوشونوله بیلیر. دیگر طرفدن، مثبت ایرلیلییشلر ده گؤز آردی ائدیلمهیهجک". قیمتلندیرمهسینده آپاریلیب.
میانما اوردوسونون، سیلاحلی حربیچیلرله موباریزه و بو سببله ده آراکاندا وطنداشلارا کئچیردیگی سالدیرلاردا 25 آوقوستدان بو یانا مینلرله موسلمان اؤلوب. بؤلگهیه گیریش چیخیشلارا یول وئریلممهسی سببیندن اؤلن سیویل ساییسی تام اولاراق معین ائدیلمیر.
سون سالدیریلاردا 200دن چوخ کند، اوردو و فاناتیک بودیستلر طرفیندن یوخ ائدیلیب.
میانمادا 1970لردن بو یانا سیستماتیک سالدیریلارلا اتنیک تمیزلمهیه معروض قالمیش تخمینن ایکی میلیون آراکانلی موسلمانین یوزده 84و اطراف اؤلکهلره سیغیندی.