ترامپ:" انرژینی بوش یئره صرف ائتمه"
آمریکا‌نین پرزیدنتی دونالد ترامپ خاریجی ایشلر ناظیری رکس تیلرسونون قوزیی کره ایله دانیشیق‌لار آپارماقلا باغلی تشببوسونو واخت ایتکی‌سی اولا‌راق دیرلندیردی.
آمریکا خاریجی ایشلر ناظیری رکس تیلرسون چینه سفری زامانی قوزیی کره ایله اونسیته آچیق اولدوق‌لارینی بیلدیردیکدن سونرا پرزیدنت دونالد ترامپ-دان ماراقلی بیر آچیقلاما گلدی.
ترامپ رکس تیلرسونون قوزیی کره لیدئری کیم ایل سونگ ایله دانیشیق‌لار آپارماق باره‌سینده کی تشببوسونو واخت ایتکی‌سی اولا‌راق دیرلندیردی.
امریکا پرزیدنتی تویتر واسطه‌سیله وئردیگی مئساژدا تیلرسونا:" انرژینی بوش یئره صرف ائتمه، رکس، لازیم اولانی ائدجییک" یازدی.
قئید ائدک کی، دونن رکس تیلرسون کره یاریماداسیندا گرگینلیگین آزالدیلماسی ایله باغلی چاغیریش ائتمیش، قوزیی کره-نین موشک سیناق‌لارینی دایاندیرماسی‌نین ضروری اولدوغونو سؤیله‌میشدی.
دیگر طرف‌دن، قوزیی کره-دن گرگین‌لیگی آرتیران ایفاده‌لر گلمکده داوام ائدیر.
قوزیی کره آسیا-پاسیفیک باریش کومیته‌سی‌نین آدی بیلدیریلمه‌ین سؤزچوسو آمریکانی "آلوو دنیزی"نه چئویرمه‌یه حاضیر اولدوق‌لاری باره‌ده آچیقلاما وئردی.
آچیقلامادا ترامپ اوچون ایستیفاده اولونان "عاغیل تارازلیغی پوزولموش" کیمی ایفاده لر دقت چکدی.
