قوزئی کوره، آمریکان اوچاق‌لارینی وورابیله‌جکلرینی سؤیله‌دی
پنتاگون سؤزچوسو سرهنگ روب مانینگ، بؤلگه‌ده هر هانسی بیر نیظامی حرکتلیلیگین باشلاییب باشلامادیغینا ایستیقامت‌لی بیر سوالا، "بو آخشام ساواشما‌یا حاضیر شکیلده قونوملانمیش وضعیتدییک." جوابینی وئردی
قوزئی کوره خاریجی ایشلر ناظیری ری یونگ-هو، آمریکان اوچاق‌لارینی وورابیله‌جکلرینی سؤیله‌دی. یونگ-هو، آمریکا پرزیدنتی دونالد ترامپین کئچن هفته بیرلشمیش میللت‌لر تشکیلاتی‌نین عمومی قورولوندا ائتدیگی دانیشما ایله اؤلکه‌سینه ساواش اعلان ائتدیگینی ایفاده ائده‌رک؛ "هاوا ساحه‌میزه گیرممیش اولسا‌لار بئله آمریکانین ایستراتژی بومباردمان اوچاق‌لارینی وورما حاقیمیز وار" دئدی.
نیویورکدا مطبوعات کونفرانسی تشکیل ائدن ری "کئچن هفته آمریکا پرزیدنتی دونالد ترامپ، لیدرلیغیمیزی چوخ حیاتدا قالا بیلمیه‌جگینی سؤیله‌رک ان سونوندا اؤلکه‌میزه ساواش اعلان ائتمیش اولدو" دئیه دانیشدی. قوزئی کوره‌لی ناظیرین آچیقلاماسی‌نین آردین‌دان آمریکا ساوونما ناظیرلیگی پنتاگوندان جواب گلدی. پنتاگون سؤزچوسو سرهنگ روب مانینگ، بؤلگه‌ده هر هانسی بیر نیظامی حرکتلیلیگین باشلاییب باشلامادیغینا ایستیقامت‌لی بیر سوالا، "بو آخشام ساواشما‌یا حاضیر شکیلده قونوملانمیش وضعیتدییک." جوابینی وئردی. مانینگ،
"اگر قوزئی کوره تحریک ائدیجی فعالیت‌لرینی دوردورمازسا باشقانا (دونالد ترامپ)، قوزئی کوره ایله علاقه‌دار لازیم‌لی واریانت‌لاری تقدیم ائدجگیک." ایفاده‌لرینی ایستیفاده ائتدی. آمریکا تورپاق‌لارینی و موتتفیق‌لرینی قوروماق اوچون پنتاگونون بوتون واریانت‌لاری ماسادا توتدوغونون وورغولایان مانینگ، "باشقانی‌نین قوزئی کوره ایله علاقه‌دار ائتمک ایستدیگینه قرار وئرمه‌سی باخیمین‌دان چوخلو بیر نیظامی وارلیغی ساخلایان سئچنکلریمیز موجود." دئدی. آغ ائو سؤزچوسو سارا سندرز ده، "آمریکا بیزه ساواش اعلان ائتدی، وورما حاقیمیز وار" آچیقلاماسینی دا قیمتلندیررکن، "قوزئی کوره‌یه ساواش اعلان ائتمدیک. بونون تکلیفی بئله قریبه" دئدی. آمریکا ساوونما ناظیرلیگی (پنتاگون)، هفته سونو، آمریکان هاوا گوجلرینه عایید " بی- 1 لنسر" بومباردمان اوچاق‌لاری ایله اونلارا یولداش‌لیق ائدن جت‌لرین، قوزئی کوره سرحدینده اوچوش ائتدیگینی آچیقلامیشدی.
