"پ.ی.دنین پ‌کاکا ایله ایلیشکی‌لرین‌دن قایغیلیییق"
تورکیه‌نین بؤلوجو ترور هؤرگوتو پ‌کاکانین ترور ائیلملرینه قارشی مشروع مدافعه حاقینا صاحب اولدوغو بیلدیریلدی
بیرلشمیش کرال‌لیق حکومتی، انگیلتره پارلمانی‌نین مارس آییندا تورکیه‌یه یؤنه‌لیک حاضیرلادیغی 79 صحیفه‌لیک راپورا جاواب وئردی.
بیرلشمیش کرال‌لیق حکومتی، انگیلتره پارلمانی‌نین خاریجی ایلیشکی‌لر کمیسیونونون تورکیه‌یه دایر حاضیرلادیغی راپورا دونن وئردیگی جاوابدا، تورکیه‌نین بؤلوجو ترور هؤرگوتو پ‌کاکانین ترور ائیلملرینه قارشی مشروع مدافعه حاقینا صاحب اولدوغونو بیلدیردی.
ترور هؤرگوتو پ‌کاکانین بیرلشمیش کراللیغین ترور هؤرگوت‌لری لیسته‌سینده یئر آلدیغینا ایشاره ائدیلن جاوابدا، بو هؤرگوتله ایستر بیرلشمیش کرال‌لیقدا ایسترسه ده باشقا یئرلرده گؤزآلتی‌لاری دا ایچرن بیر مباریزه وئریلدیگی قید ائدیلدی.
پ‌کاکانین ترور سالدیری‌لاری‌نین و بون‌لاری تورکیه‌نین گونئی دوغوسون‌داکی قصبه و شهرلره داشیماسی‌نین، بو هؤرگوتون اینسان حیاتینی هئچه سایدیغینی گؤستردیگی وورغولانان جاوابدا،
"تورکیه بو دهشت‌لی زوراکیلیغا قارشی مشروع مدافعه حاقینا صاحب‌دیر" ایفاده‌سینه یئر وئریلدی.
کومیسیون راپوروندا بیلدیریلن "باریش پروسه‌سی" ایله باغلی چاغرییا ایسه "باریش سوره‌جی‌نین باشلاماسی اوچون پ‌کاکا شدتی‌نین سونا چاتماسی لازیم‌دیر" جاوابی وئریلدی.
جاوابدا، پ‌کاکانین سوریه‌ده‌کی قولو ی.پ.گ/پ.ی.د ایله ایلگیلی اولا‌راق دا،
"پ.ی.د/ی.پ.گ‌نین پ‌کاکا ایله ایلیشکی‌لرین‌دن قایغیلیییق" دگرلندیرمه‌سینه یئر وئریلدی.
