رکس تیلرسون، ایران ایله ایمضا‌لانان نوکلئر موقاویله‌ده دییشیک‌لیک ائدیلمه‌سینی طلب ائدیب
فاکس نیوز تلویزیون کانالینا موصاحیبه وئرن تیلرسون، موقاویله‌نین "نظردن کئچیریلمه‌سی لازیم اولدوغونو بیل‌دیره‌رک، ایرانین یولا گتیریلمه‌سینه آوروپا‌لی موتتفیق‌لری‌نین دستک وئره‌جک‌لری اومیدینده اولدوغونو دئدی
آمریکا خاریجی ایشلر ناظیری رکس تیلرسون، ایران ایله ایمضا‌لانان نوکلئر موقاویله‌ده دییشیک‌لیک ائدیلمه‌سینی طلب ائدیب.
فاکس نیوز تلویزیون کانالینا موصاحیبه وئرن تیلرسون، موقاویله‌نین "نظردن کئچیریلمه‌سی لازیم اولدوغونو بیل‌دیره‌رک، ایرانین یولا گتیریلمه‌سینه آوروپا‌لی موتتفیق‌لری‌نین دستک وئره‌جک‌لری اومیدینده اولدوغونو دئدی.
نوکلئر موقاویله‌نین "کیفایت قدر آغیر اولمادیغینی" و "ایرانین نوکلئر پروقرامینی دوردورمایا چاتمایاجاغینی" ایفاده ائدن تیلرسون، ایرانین یئنی‌دن آتوم بومباسی دوزلده بیله‌جکی وضعیته گلمه‌سینی سانکی گئرییه سایا‌راق معین ائده‌جک‌لرینی قید ائدیب.
آمریکا پرزیدنتی دونالد ترامپ دا ایران ایله واریلان نوکلئر سازیشی "اوتانج وئریجی" کیمی قیمتلندیرمیشدی.
ایللرله داوام ائدن دانیشیق‌لارین سونوندا بیرلشمیش میللت‌لر امنیت شوراسی‌نین بئش دایمی عضوو و آلمانیا ایله ایران آراسیندا 2015-جی ایلده الده ائدیلن راضیلاشما، ایرانین دینج مقصدلی اورانیوم غنیلشدیرمه ایشینی مینیموما ائندیرمه‌سینی و نوکلئر پروقرامینی چوخ بین الخالق نظارت‌لره آچماغی، قارشیلیغیندا دا بو اؤلکه‌یه تطبیق ائدیلن تحریم‌لرین مرحله‌لی اولا‌راق گؤتورولمه‌سینی نظرده توتور.
اولوسلارآراسی آتوم انرژی‌سی تشکیلاتی (IAEA) ایرانین موقاویله شرط‌لرینه اویغون اولدوغونو معین ائتمیشدی.
ایلگیلی‌لی خبرلر
ژاپندا شدتلی یاغیشلار سببی ایله ۶ نفر حیاتینی ایتیردی
ژاپونون نوتو و سوزو بؤلگه‌لرینده شدتلی یاغیشلار نتیجه‌سینده سئل و تورپاق سوروشمه‌سی میدانا گلدی
