آمریکا عسگرلرینین جسدلری تاپیلدی
قضادا ایتن 10 دنیزچی‌نین بعضی‌لری‌نین جسدلری تاپیلدی
794658
آمریکا دوننانماسینا عاید "یواس‌اس جان اس مک‌کین" آدلی ساواش گمی‌سی‌نین دونن سنگاپور ساحل‌لرینده بیر نفت تانکریله توققوشماسی نتیجه‌سینده یاشانان قضادا ایتن 10 دنیزچی‌نین بعضی‌لری‌نین جسدلری تاپیلدی.
آمریکا پاسیفیک قوموتان‌لیغی، سنگاپورون دوغوسون‌داکی مالاکا بوغازی یاخین‌لارین‌داکی قضادا ایتن دنیزچیلر‌ین بیر نئچه‌سی‌نین جسدلری‌نین، ساواش گمی‌سی‌نین بیر بؤلومونده تاپیلدیغینی آچیقلادی.
اورآمیرال سکات سویفت، سنگاپوردا مطبوعاتا آچیقلاماسیندا، جسدلردن بیری‌نین، مالزی‌لی قروپ‌لار طرفین‌دن تاپیلدیغینی آنجاق کیملیک تثبیت پروسه‌سی‌نین هله داوام ائتدیگینی ایفاده ائتدی.
قضادا ایتن آمریکا عسگرلرینی، گونئی دوغو آسیا سولاریندا آختارما ایشلرینه، آمریکانین یانیندا سنگاپور و مالزی دونانماسیندان قروپ‌لارین دا قاتیلدیغی ایفاده ائدیلمیشدی.
