خسته‌خانانی قانا بولادیلار
سالدیرینین چته عضولرینین لیدرلرینی قورتارماق اوچون ائدیلدیگی بیلدیریلدی
791472
اورتا آمریکا اؤلکه‌سی گواتمالادا روزولت خسته‌خاناسی یئرلشکه‌سینه گیرن سلاح‌لی شخص‌لرین آتیش ائتمه‌سی نتیجه‌سینده، 7 نفر اؤلدو.
باشکند گواتمالا‌داکی خسته‌خانانین مودور یاردیمچیسی، سالدیریدا بیری اوشاق 12 نفرین ده یارالاندیغینی، اوشاغین وضعیتی‌نین آغیر اولدوغونو ایفاده ائتدی.
خسته‌خانایا داها اول ده بنزر سالدیری‌لار اولدوغونو بیلدیرن مودور یاردیمچیسی، حکومت‌دن علاوه گوونلیک تدبیرلری آلینماسینی ایستدیک‌لرینی قید ائتدی.
پلیس، سالدیری تشکیل ائتدیک‌لری ادعا ائدیلن 5 نفرین توتوقلاندیغینی، بو شخص‌لرین مارا سالواتروچا سوچ چته‌سی عضو اولدوق‌لارینی آچیقلادی.
ایچ ایشلری باخانلیغین‌دان وئریلن آچیقلامادا دا سالدیرقانلارین بعضی تست‌لر اوچون حبس‌خانا‌دان خسته‌خانایا آپاریلان لیدئرلری آندرسون دانیل کابررا کیفونتسی قورتارماغی آماجلادیقلارینی بیلدیریلدی.
