دونالد ترامپ، مصلحتچی‌لر شوراسینی لغو ائتدی
آچیقلامادا، مصلحتچی‌لر شوراسینی تشکیل آمریکان اوره‌تیچیلر هیاتی ایله ایستراتژی و سیاست فورومونون سونلاندیردیغینی ائشیتدیردی
آمریکا پرزیدنتی دونالد ترامپ، ایستعفا ائدن عضو ساییسی سون اوچ گونده 8-ه یوکسه‌لن مصلحتچی‌لر شوراسینی لغو ائتدی.
ترامپ، فردی توییتر حسابین‌دان ائتدیگی آچیقلامادا، مصلحتچی‌لر شوراسینی تشکیل آمریکان اوره‌تیچیلر هیاتی ایله ایستراتژی و سیاست فورومونون سونلاندیردیغینی ائشیتدیردی.
ترامپ،
"اوره‌تیچی هیاتی ایله ایستراتژی و سیاست فورومونداکی ایش آدام‌لاری و ایش قادین‌لاری اوزرینه باسقی قورماقدانسا، هر ایکی‌سینی ده سونلاندیریرام. هر کسه تشککورلر" ایفاده‌سینی ایستیفاده ائتدی.
بو قرارین‌دان اوّل 8 عضو، اؤلکه‌ده هفته سونوندا یاشانان شدت حادیثه‌لریله باغلی اولا‌راق کونسئیدن آیریلمیشدی.
آمریکان ایش دونیاسی‌نین مشهور شخصیتی‌نین شورادان آیریلماسیندا، ترامپ‌ین هفته سونوندا ویرجینیا ایالتی‌نین شارلوتئسویل شهرینده بیر نفرین اؤلدوگو و چوخ سایدا اینسانین یارالاندیغی حادثه‌لردن عرقچی قروپ‌لاری مسئول توتمایا‌راق، هر ایکی طرفی ده قیناماسی تعیین ائدیجی اولموشدو.
بازار ائرته‌سین‌دن بو یانا ایستعفا قراری آلان ایش دونیاسی نماینده‌لری آراسیندا تکنولوژی دئوی اینتل‌ین ایجرا هیاتی باشقانی بریان کرزانیچ، ایدمان محصول‌لاری فیرماسی اوندر آرمورین باشقانی کئوین پلانک، درمان اوره‌تیچی‌سی مرکین باشقانی کنئته فرازیر کیمی مشهور شخصیتلر قاتیلدی.
دونالد ترومپ، دونن نیویورکدا تشکیل ائتدیگی مطبوعات کونفرانسیندا ایسه مصلحتچی‌لر شوراسین‌دان آیریلان ایش دونیاسی نماینده‌لرینی تنقید ائتمیشدی.
شورانین آیریلدیغینی آچیقلایان شیرکت رهبرلری‌نین، محصول‌لارینی آمریکا خاریجینده چیخارمانین اوتانجی سببیله بو قراری آلدیغینی ساوونان ترامپ، همچینین اجتماعی مئدیا حسابین‌دان،
"آیریلان هر شرکتین یئرینه گتیره‌بیلجگیم چوخ اینسان وار. تریبونلاره اوینایان‌لار داوام ائتمملیدی. ایستیخدام!" مساژینی پایلاشمیشدی.
