آوروپا، آمریکا ایله قوزئی کوره گرگین‌لیگی قونوسوندا تماسا کئچمه‌یه قرار وئردی
فدریکا موگرینی باشقانلیغیندا، قوزئی کوره ایله آمریکا آراسین‌داکی گرگین‌لیگی گؤروشمک عذره، بلژیک‌ین باشکندی بروکسل‌ده فوق ا‌لعاده توپلاندی
آوروپا بیرلیگی، آمریکا ایله قوزئی کوره آراسین‌داکی گرگین‌لیگی بیتیرمک اوچون، بو 2 اؤلکه‌نین یانیندا، علاقه‌دار باشکندلرله تماسا کئچمه‌یه قرار وئردی.
آوروپا بیرلیگی سیاسی و امنیت کومیته‌سی، آوروپا بیرلیگی خاریجی علاقه‌لر یوکسک نماینده‌سی فدریکا موگرینی باشقانلیغیندا، قوزئی کوره ایله آمریکا آراسین‌داکی گرگین‌لیگی گؤروشمک عذره، بلژیک‌ین باشکندی بروکسل‌ده فوق ا‌لعاده توپلاندی. آوروپا بیرلیگی تشکیلات‌لاری تعطیلده اولدوغو سیرادا حیاتا کئچیریلن سفیرلر سویه‌سین‌دکی توپلانتی‌نین آردین‌دان موگرینی یازیلی بیر آچیقلاما ائتدی.
آچیقلاماسیندا، گرگینلیگین عاجیل اولا‌راق آزالدیلماسی لازیم اولدوغونو ایفاده ائدن موگرینی، قوزئی کوره‌یه "یالنیز بؤلگه‌سل و قلوبال گرگین‌لیک‌لری آرتیرماغا یارایا‌جاق تحریک ائدیجی بیر حرکت‌دن قاچینماق" چاغیریشی ائتدی.
آوروپا بیرلیگینین، گرگین‌لیگی آزالدماغی و کوره یاریماداسینی بیر داها گئرییه دؤنولمیه‌جک شکیلده نوگلئر سیلاح‌لاردان تامامیله تمیزلمگی مقصد قویان دیپلوماتیک تلاش‌لاری دستکلدیگینی وورغولایان موگرینی،
" آوروپا بیرلیگی و عضو دولت‌لرین؛ گونئی کوره، آمریکا، چین، روسیا و ژاپونیانین یانیندا قوزئی کوره ایله تماسا کئچمک و مساژیمیزی چات‌دیرماق صورتیله دیپلوماتیک ایشلرینی گوجلندیرمه‌یه موضوعسوندا راضیلاشماغا چاتیلدی." ایفاده‌سینی ایستیفاده ائتدی.
موگرینی، آوروپا بیرلیگینین قوزئی کوره و گونئی کوره باشدا اولماق عذره بین الخالق جمعیت آراسیندا اعتبارلی و معنا‌لی دیالوق پروسه‌سینی دستکلمه‌یه، نوگلر موضوعلارا باغلی مذاکیره‌لرده الده ائتدیگی تکنیکی تخصص ایله مومکون اولان هر جور تلاشی تقدیم ائتمه‌یه حاضیر اولدوغونو بیلدیریب.
یوکسک نماینده آیریجا، قوزئی کوره‌نین نوگلئر و بالیستیک راکت پروقرام‌لارینی سورعتلندیرمه‌یه داوام ائتمه‌سی‌نین، بیرلشمیش میللت‌لر تشکیلاتی‌نین امنیت شوراسی قرارلاریندا گؤستریلدیگی کیمی سؤز موضوعسو اؤلکه‌نین بین الخالق مسئو‌لیت‌لری‌نین جیدی و ناراحات‌لیق وئریجی بیر پوزولماسی آنلامینا گلدیگینی ایفاده ائتدی.
قوزئی کوره، آمریکا نظارتینده گوام آداسینا بالیستیک موشک سالدیریسی حاظیرلیغیندا اولدوغونو ائشیتدیرمیش، واشینگتون رهبرلیگی ایسه بونون ساواشا یول آچا بیله‌جگی خبردارلیغینی ائتمیشدی.
