آمریکا ایله قوزئی کوره آراسیندا سؤز دوئلی داوام ائدیر
"غضب ایله قارشیلاشارلار" سؤزلرینین کیفایت قدر آغیر اولمادیغینی سؤیلهین آمریکا پرزیدنتی دونالد ترامپ، قوزئی کورهیه 'سسلنمهسی داوام ائتدیردی
آمریکا ایله قوزئی کوره آراسیندا سؤز دوئلی داوام ائدیر.
"غضب ایله قارشیلاشارلار" سؤزلرینین کیفایت قدر آغیر اولمادیغینی سؤیلهین آمریکا پرزیدنتی دونالد ترامپ، قوزئی کورهیه 'سسلنمهسی داوام ائتدیردی.
ترامپ، قوزئی کوره ایله داوام ائدن گرگینلیک ده داخیل بیر چوخ موضوعنون اله آلیندیغی میلی امنیت توپلانتیسینین آردیندان، ژورنالیستلرین سواللارینی جوابلادی.
هفته باشیندا "اؤلکهسینین غضبی ایله قارشیلاشماقلا" تهدید ائتدیگی قوزئی کورهنین بو سؤزلری 'آخماق اولاراق کاراکتریزه ائتدیگی خاطیرلادیلان ترامپ بونلاری سؤیلهدی:
"بو دویدوقلارینی ایلک دفعه دویورلار. آچیقجاسی اینسانلار او آچیقلامامین چوخ آغیر اولدوغونو دوشونور. بلکه ده آچیقلاماق کیفایت قدر آغیر دئییلدی."
دونالد ترامپ، سؤز موضوعسو آچیقلامایندن داها آغیر بیر شئی سؤیلهییب دئمیجیینه باغلی سوالا دا "گؤرجکسینیز" جوابینی وئردی.
دیگر طرفدن قوزئی کوره ایله دانیشیقلارا آچیق اولدوغونو دیله گتیرن ترامپ، 25 ایلدیر دانیشیقلارین داوام ائتدیگینی آنجاق بیر یئره چاتمادیغینی سؤیلهدی.
ترامپ، بئله داوام ائتدی:
"بو اؤلکهنین خالقی راحت اولسون. سیزه بونو دئییرم: اگر قوزئی کوره سئودیگیمیزه، تمثیل ائتدیکلریمیزه، موتتفیکلریمیزین یا دا بیزه ایستیقامتلی بیر سالدیرینی عاغلیندان کئچیرسه اؤزوندن چوخ چوخ نیگران اولسون . چوخ ناراحاتلیق ائتسینلر چونکی غیری-مومکون اولدوغونو دوشوندوکلری شئیلر باشلارینا گلهجک."