" وورماق اوچون باش قوموتانیمیزین امرینی گؤزله‌یه‌جییک"
آمریکایا باغلی گواما 4 موشک آتماق اوچون ائدیلن پلان، بو آی اورتاسیندا حاضر اولا‌جاق
آمریکا و قوزئی کره آراسین‌داکی موشک سورونو داوام ائدرکن، پیونگ‌یانگ رهبرلیگی، گوام آداسینا اورتا منزیل‌لی موشک سالدیریسی پلانی اوچون ایلک دفعه تاریخ وئردی.
قوزئی کره رسمی خبر آژانسیندا یئر آلان آچیقلامایا گؤره، آمریکایا باغلی گواما 4 موشک آتماق اوچون ائدیلن پلان، بو آی اورتاسیندا حاضر اولا‌جاق.
قوزئی کره اوردوسون‌دان گلن آچیقلامادا،
"پلانیمیزی ائدجییک و گوامی وورماق اوچون باش قوموتانیمیزین (کیم جونگ-اون) امرینی گؤزله‌یه‌جییک" دئییلدی.
آچیقلامادا آیرینتیلاری دا وئریلن پلانا گؤره، کره خالق اوردوسو طرفین‌دن آتیلا‌جاق اولان هواسونگ12 موشک‌لری، 3.357 کیلومتر یول قطع ائده‌جک و گوامین 30 ایله 40 کیلومتر ساحل‌لرینده سویا دوشه‌جک. موشک‌لر ژاپنون شیمانه، هیروشیما و کویچی بؤلگه‌لری اوزرین‌دن اوچا‌جاق.
قوزئی کره رهبرلیگی، آمریکا پرزیدنتی دونالد ترامپین 'قوزئی کره تهدیدلری بوراخسا یاخشی اولار یوخسا اود و غضبله قارشیلیق وئرریک" سؤزلری اوچون ایسه "بوش سؤز" آچیقلاماسینی وئردی.
کره خالق اوردوسو قوموتانی کیم راک گیوم، ترامپ اوچون؛
"منطق‌لی دوشونمک‌دن عاجز بو آداملا معنا‌لی بیر دیالوگ قورماغین ایمکانی یوخ‌دور" دئدی.
پاسیفیک اقیانوسوندا یئرلشن و قوزئی کره‌یه 3مین 400 کیلومتر اوزاق‌لیقدا اولان گوامدا، آندرسون هاوا حربی مرکزیی یئر آلیر. بو مرکز، ب-1 بومباردمان اوچاقلاری طرفین‌دن گونئی کره هاوا ساحه‌سین‌دکی اوچوش‌لاردان سونرا یانا‌جاق اوچون ایستیفاده ائدیلیر.
