قوزئی کورهده یوز مینلرله اینسان آمریکایا اعتراض ائتمک اوچون توپلاندی
پیونگیانگ حکومتی، بؤیوک اوقیانوسداکی آمریکا توپراغی گواما اورتا مسافتلی موشک سالدیریسی ائتمک اوچون بو آی اورتاسینی ایشاره ائتمیشدی
![قوزئی کورهده یوز مینلرله اینسان آمریکایا اعتراض ائتمک اوچون توپلاندی](http://cdn.trt.net.tr/images/xlarge/rectangle/e543/8f86/b7fd/598c521276ae7.jpg?time=1719019265)
قوزئی کورهنین باشکند پیونگ یانگدا یوز مینلرله اینسان آمریکایا اعتراض ائتمک اوچون توپلاندی.
قوزئی کورهنین رسمی خبر آژانسی طرفیندن پایلاشیلان فوتوشکیللر گؤستریر کی، باشکند پیونگ یانگ میدانیندا آمریکایا قارشی میتینگده یوز مینلرله اینسان توپلانیر.
کیم ایل-سونگ میدانیندا توپلانان کوتلهلر کیم ژونگ-ون آنتی-آمریکا سیاستلرینه قارشی دستک مساژلارینی وئریرلر.
پیونگیانگ حکومتی، بؤیوک اوقیانوسداکی آمریکا توپراغی گواما اورتا مسافتلی موشک سالدیریسی ائتمک اوچون بو آی اورتاسینی ایشاره ائتمیشدی.
قوزئی کورهنین خبر آژانسیندا یئر آلان آچیقلامایا گؤره، آوقوست آییندا آمریکایا باغلی اؤزرک گوام آچیقلارینا 4 عدد اورتا مسافتلی موشک آتما پلانی، قوزئی کوره لیدری کیم ژونگ-ونون تصدیقینی گؤزلییر.
قوزی کوره اوردوسونون آچیقلاماسیندا "پلانیمیزی ائدجگیک و گوامی وورماق اوچون باشقوموتانیمیزین امرینی گؤزلهیهجگیک" ایفادهلری ایستیفاده ائدیلدی. مسئوللار، ترامپین تهدیدلرینی ایسه "بیر اوووج آخماقلیقدان عبارت" اولاراق آدلاندیردی.