آمریکا ایکی دیپلوماتی سینیردیشی ائتدی
هاوانادا وظیفه‌لی بعضی آمریکا‌لی دیپلومات‌لارین دؤیولدوگو ادعاسی اوزرینه، کوبانین واشینگتن بؤیوک ائلچیلیگینده‌کی ایکی دیپلوماتین سینیردیشی ائدیلدیگی آچیقلاندی
آمریکا خاریجی ایشلر باخانلیغی، هاوانادا وظیفه‌لی بعضی آمریکا‌لی دیپلومات‌لارین دؤیولدوگو ادعاسی اوزرینه، کوبانین واشینگتن بؤیوک ائلچیلیگینده‌کی ایکی دیپلوماتی سینیردیشی ائتدیگینی آچیقلادی.
خاریجی ایشلر باخانلیغی سؤزچوسو هیتر ناورت، گونده‌لیک مطبوعات کنفرانسیندا، کوبا‌داکی بعضی آمریکا‌لی دیپلومات‌لارین "دؤیولدوگو" ادعاسینا باغلی دانیشدی.
ناورت، هاوانا‌داکی آمریکا ائلچیلیگینده وظیفه‌لی دیپلومات‌لارین باشینا "بعضی حادثه‌لر" گلدیگینی ایفاده ائتدی آنجاق آیرینتی وئرمه‌دی. ائلچی‌لیک چالیشان‌لاری‌نین ساغلیق وضعیت‌لری حاقیندا دا معلومات پایلاشمایان ناورت، واشینگتون رهبرلیگی‌نین دیپلومات‌لارین وضعیتی حاقیندا قایغی دویدوغونو دیله گتیردی.
وضعیتی جدی قبول ائتدیک‌لرینی دیله گتیرن ناورت، "بونو سؤیله‌یه بیلریک کی 23 میده خاریجی ایشلر باخانلیغی لازیم آددیم‌لاری آتمیش‌دیر. کوبا سفیرلیگینده وظیفه‌لی ایکی دیپلوماتین آمریکانی ترک ائتمه‌سینی ایستدیک. بو ایکی نفر آمریکانی ترک ائتدی" دئدی.
