"احمد، محمد دفع اولون"
عرقچی سالدیریدا سیغینماچی اوشاقلارین اوزرینه یانیجی ماده آتیلدی
سوئدین باشکندی استکهلمدا، کؤچمنلر افیسینه اعتراض ائدن افغانیستانلی سیغینماچی اوشاقلار عرقچی سالدیرییا اوغرادی.
استکهلم امنیت مودورلوگو مطبوعات سؤزچوسو آسا والنتین، سیغینماچی اوشاقلارین اوزرینه یانیجی ماده آتیلدیغینی و 3 اوشاغین یونگول شکیلده یارالاندیغینی بیلدیردی.
سوئد قازئتهلریندن اکسپرسنه دانیشان افغانیستانلی گؤستریچیلردن احمد رحیمی، کؤچمنلر افیسینین، افغانیستاندان گئدن آتاسیز آناسیز اوشاقلارین سیغینما طلینی قبول ائتمدیگی اوچون 100 نفرلیک بیر قروپلا اعتراض گرچکلشدیردیکلرینی سؤیلهدی.
اعتراض سیراسیندا 20-30 نفرلیک عرقچی بیر قروپون سالدیریسینا اوغرادیقلارینی بیلدیرن رحیمی،
"بیر آندا بیزه دوغرو گلن قروپ، احمد، محمد دفع اولون، سیغینماچیلار رد اولون شکلینده شعار وئررک اوزریمیزه سیس بومباسی آتدیلار. یارالانان یولداشلاریمیز اولدو" دئیه دانیشدی.
حادثه ایله ایلگیلی سوروشدورما باشلادیلدی.