آسئان قوزئی کوره‌یه مسئولیتلرینی یئرینه یئتیرمه چاغیریشی ائتدی
اورتاق معلوماتدا، قوزئی کوره‌‌نین ائتدیگی قارّه‌لر آراسی بالیستیک موشک سیناق‌لاری ایله کوره یاریماداسیندا آرتان باسقیه باغلی درین ناراحات‌لیق‌لارینی ایفاده ائتمه‌یه داوام ائتدیک‌لری بیلدیردی
جنوب-شرقی آسیا اؤلکه‌لری بیرلیگی (آسئان) عضوو اولان اؤلکه‌لرین خاریجی ایشلر ناظیرلری، قوزئی کوره‌دن، بیرلشمیش میللت‌لر تشکیلاتی‌نین امنیت شوراسی قرارلاریندان ایره‌لی گلن مسئو‌لیت‌لری یئرینه یئتیرمه‌سی چاغیریشی ائتدی.
فیلیپین‌ین باشکندی مانیلاداکی آسئان ایجلاسینا قاتیلان عضو اؤلکه‌لرین خاریجی ایشلر ناظیرلری یایینلادیغی اورتاق معلوماتدا، قوزئی کوره‌‌نین اوّلکی نوکلئر و بالیستیک موشک سیناق‌لارینا علاوه اولا‌راق 4 و 28 ژوئیه‌ده ائتدیگی قارّه‌لر آراسی بالیستیک موشک سیناق‌لاری ایله کوره یاریماداسیندا آرتان باسقیه باغلی درین ناراحات‌لیق‌لارینی ایفاده ائتمه‌یه داوام ائتدیک‌لرینی بیلدیردی.
بو اینکیشاف‌لارین، بوتون بؤلگه‌ده و اوندان کناردا باریش و ثابت‌لیگی جیدی شکیلده تهدید ائتدیگی وورغولانان معلوماتدا، قوزئی کوره‌دن، بوتون باغلانتیلی بیرلشمیش میللت‌لر تشکیلاتی‌نین امنیت شوراسی قرارلاریندان ایره‌لی گلن مسئولیتلرینی تام و درحال یئرینه یئتیرمه‌سی ایستندی.
کوره یاریماداسینی باریش یولو نوکلئر سیلاح‌لاردان تمیزلمه موضوعسون‌داکی دستگینی تکرارلایان ناظیرلر، قوزئی کوره‌یه، تضییقی آزالتواق و باریش و ثابت‌لیگه الوئریش‌لی شرایط یاراتماق اوچون دیالوقون یئنیدن باشلادیلماسی چاغیریشی ائتدی.
ناظیرلر، معلوماتدا کوره یاریماداسیندا قالیجی باریش تامین ائتمه‌یه ایستیقامت‌لی اولا‌راق کوره آراسین‌داکی علاقه‌لری اینکیشاف ائتدیرمک اوچون تلاشلارا دستک وئردیک‌لرینی ایفاده ائتدی.
بیرلیگه عضو اؤلکه خاریجی ایشلر ناظیرلری‌نین شنبه گونو ائتدیک‌لری توپلانتی‌نین آردین‌دان نشر اولونماسی گؤزلنیلن بیرگه بیانات، قوزئی کوره و جنوبی چین دنیزی موضوعلاریندا یاشانان فیکیر آیری‌لیق‌لاری سببیله آسکییا آلینمیشدی.
