آوروپا بیرلیگی و لهستان آراسیندا محکمه موستقیللیگی دارتیشماسی بؤیوگور
لهستان حکومتیندن ایسه " آوروپا بیرلیگی مسئوللاریندان گلن شانتاژ قبول ائتمیهجگیک" جوابی گلدی
![آوروپا بیرلیگی و لهستان آراسیندا محکمه موستقیللیگی دارتیشماسی بؤیوگور](http://cdn.trt.net.tr/images/xlarge/rectangle/41d1/1e1d/2c42/5979880f2e8f3.jpg?time=1718958797)
آوروپا بیرلیگی و لهستان آراسیندا 'محکمه موستقیللیگی دارتیشماسی بؤیوگور.
آوروپا بیرلیگی، لهستانین یوکسک محکمهیه باغلی قانونلاری تصدیقلمهسی وضعیتینده، اؤلکهنین آوروپا بیرلیگی شوراسینداکی سس حقوقونون الیندن آلینماسی اوچون حرکته کئچهجگینی تکرارلادی. لهستان حکومتیندن ایسه " آوروپا بیرلیگی مسئوللاریندان گلن شانتاژ قبول ائتمیهجگیک" جوابی گلدی.
حکومت سؤزچوسو رافائل بوچنک، پاپ خبر آژانسینا ائتدیگی آچیقلامادا؛
" آوروپا بیرلیگی مسئوللاریندان گلن شانتاژ قبول ائتمیهجگیک. خصوصیله ده گئرچکلره سؤیکنمهین بیر شانتاژ. لهستان پارلامنتینده حاضیرلانان بوتون قانونلار آنایاسایا و دموکراتیک قایدالارا اویغوندور" دئدی.
آوروپا بیرلیگی کومیسیونوندان ائدیلن یازیلی آچیقلامادا، لهستاندا پلانلاشدیریلان محکمه رفورمویلا باغلی بیر تکلیف مکتوبو گؤندریلیب، لهستانین بونا جواب وئرمهسی اوچون 1 آی مدتی اولدوغو ایفاده ائدیلمیشدی.
لهستاندا پلانلاشدیریلان محکمه اصلاحاتینین آمریکایا 'جیددی ناراحاتلیغا یول آچدیغی یازیلان آچیقلامادا، 'ایصلاحاتین لهستاندا حقوقون اوستونلوگونو اهمیتلی شکیلده تهدید ائتدیگی وورغولانمیشدی.
آچیقلامادا، لهستاندا بو پروبلمی 1 آی ایچینده حلّ ائتمه چاغیریشی ائدیلرکن، بو مدتده لهستان حکومتینین خصوصیله یوکسک محکمه قاضیلرینین وظیفهدن آلینماسی و یا امکلیلیگه مجبوریتی دایر هر هانسی بیر تلاشدا اولماماسی تلقین ائدیلمیشدی.
بو ساحهده بیر آددیم آتیلماسی وضعیتینده آوروپا بیرلیگی کومیسیونونون، لهستانین آوروپا بیرلیگی شوراسینداکی سس حقوقونون الیندن آلینماسینا یول آچاجاق 7. مادهنی تئتیکلمیه حاضیر اولدوغونو وورغولادی.
آوروپا بیرلیگینین لهستانا قارشی حقوقی پوزونتو ادعاسی آچماغی دا پلانلاشدیریر کؤچورولن آچیقلامادا، دیگر طرفدن آوروپا بیرلیگی کومیسیونونون لهستانلی مسئوللارلا مثبت بیر دیالوق ایجرا ائتمهیه حاضیر اولدوغو بیلدیریلمیشدی.
بو آرادا، آوروپا بیرلیگی کومیسیونو باشقان کؤمکچیسی فرانس تیمرمانس دا تشکیل ائتدیگی مطبوعات کونفرانسیندا، لهستان مسئوللارینا چوخ آچیق بیر تکلیفده اولدوقلارینی، محکمه اصلاحاتینا باغلی موباحیثه داوام ائدن لاییحهلر تصدیقلنمهسینی فرانس تیمرمانس نزدینده قبول ائدیله بیلمز اولدوغونو ایفاده ائتدی.
لهستان پرزیدنتی آندرزج دودا، چرشنبه آخشامی گونو، عدالت ناظیرینه سیرادان محکمهلرین یارغیجلارینی آتاما و وظیفهدن آلما مسئولیتی وئرن قانون لاییحهسینی اونایلامیش، آنجاق حکومت و پارلامنته عالی محکمه قاضیلارینی دییشدیرمه صلاحیتی وئرن 2 آیری قانون لاییحهسینی وتو ائتمیشدی.
1997-جی بو یانا آوروپا بیرلیگی آندلاشماسیندا اولان 7. مادهنین ایشلنمهسی وضعیتینده، عضو اؤلکهنین آوروپا بیرلیگی شوراسینداکی سسوئرمه حقوقو الیندن آلینا بیلیر. آنجاق آوروپا بیرلیگی مسئوللاری ایندییه قدر هئچ بیر عضو اؤلکهیه قارشی سؤز موضوعسو مادهنی ایجرایا قویمادی.
بو مادهنین تطبیق اولونا اوچون لهستان خاریج بوتون آوروپا بیرلیگی عضولرینین یئکدیللیگی لازیمدیر. آوروپا بیرلیگی، لهستان باغلامیندا 7. مادهنی ایجرایه سوخما قراری آلسا بئله لهستانین یاخین موتتفیقی اولان مجاریستانین بونا مانع اولاجاغی دوشونولور.