آمریکا اوردوسوندا انتحار اولقولاری

آمریکا اوردوسوندا 5 ایلده 9 مین 512 انتحار گیریشیمی اولدو.

آمریکا اوردوسون‌داکی انتحار گیریشیملری 2004‌دن 2009 ایلینه قدر اولان مدتی احاطه ائدیر.

ژاما پسیکیاتری درگیسی‌نین اینترنت صحیفه‌سینده یاییملانان "انتحار گیریشیمی اولان بیریملرده‌کی عسگرلرده انتحار گیریشیمی ریسکی" باش‌لیق‌لی آراشدیرما نتیجه‌سینده، اوردوداکی انتحار حادثه‌لری اله آلیندی.

مریلندده اولان دؤولته عاید ساغلیق بیلیم‌لری اونیفورما‌لی خیدمت‌لر اونیورسیته‌سین‌دکی پسیکیاترلر، 2004 و 2009.جو ایللر آراسیندا آکتیو وظیفه‌ده اولان عسگرلرین انتحار بیلگی‌لرینی آنالیز ائتدی.

آراشدیرمایا گؤره، اوردوداکی عسگرلردن انتحار ائتمک ایسته‌ین‌لرین یوزده 86سی‌نین کیشی، یوزده 68نین 30 یاشین آلتیندا و یوزده 60ی دا آغ آمریکا‌لی.

آراشدیرمادا ایمضاسی اولان دکتر روبرت اورسانو، ژاما پسیکیاتریسینده یاییملانان آراشدیرما یازی‌سیندا، "بیر بیریمده انتحار گیریشیمی، او بیریمده‌کی انتحار ریسکینی آرتیریر" دئیه یازدی.

سن آنتونیوداکی تکزاس اونیورسیته‌سی ساغلیق بیلیم‌لری مرکزین‌دن پسیکیاتری پروفسورو آلن پترسون دا آراشدیرمایلا ایلگیلی، بیریملرده‌کی شرط‌لرین یوکسک انتحار گیریشیملری سببی اولابیله‌جیینی قید ائتدی.

حربی ساغلیق سیستمینه گؤره، اؤلکه‌دکی انتحارلارین تخمینا یوزده 20‌سی امکلی عسگرلر آراسیندا گؤرولور.