سیا: آمریکا ونزوئلا حکومتینی دئویرمه‌یه چالیشیر

سیا اعتراف ائتدی: آمریکا ونزوئلا حکومتینی دئویرمه‌یه چالیشیر.

آمریکا مرکزی کشفیات تشکیلاتی (سیا) دیرکتورو مایک پومپئو، ونزوئلا حکومتینی دئویرمک اوچون چالیشدیق‌لارینی ' اوستو باغلی اولا‌راق اعتراف ائتدی.

آسپن اینستیتوسو آدلی دوشونجه قورولوشو طرفین‌دن تشکیل ائدیلن امنیت کونفرانسیندا قاتیلیمچی‌لاردان بیری‌نین سوالینا موضوعیا توخونان پومپئو، ونزوئلاداکی حکومتی دئویرمک اوچون بؤلگه‌دکی ایکی اؤلکه ایله ایله امکداش‌لیق ائتدیک‌لرینی ده سؤیله‌دی.

پومپئو، ونزوئلادا بیر کئچید اولا بیله‌جگی موضوعسوندا اومید دولو اولدوق‌لارینی و سیاین بؤلگه‌دکی دینامیکی آنلاماق اوچون الین‌دن گله‌نین ان یاخشی‌سینی ائتدیگینی ایفاده ائده‌رک، مکزیک و کولومبیانین دا واشینگتونون پلان‌لارینا داخیل اولدوغونا ایشاره ائتدی.

پومپئو، سیاین بؤلگه‌دکی قان‌لی موداخیله‌لرینی ائیهام ائده‌رک؛

"بورادا بیر چوخ حکایه وار" دئیه‌رک دالغا کئچدی، بو زارافات سالوندا قهقهه‌لره سبب اولدو.

سیاین بؤلگه‌دکی چوخ سایدا اؤلکه‌نین تاریخینده یئر آلان حکایه‌لری قان‌لی کودتا‌لار، دیکتاتورلار و اؤلوم مانگا‌لارینی ایچه‌ریر.

پومپئونون اعتراف‌لاری، ونزوئلا دولت باشقانی نیکولاس مادورونون آغیر اعتراضینا یول آچدی. مادورو تلویزیوندا نشر اولونان آچیقلاماسیندا،

"سیا دیرکتورو، آمریکا رهبرلیگی و سیاین مکزیک و کولومبیا حکومتلریله بیرباشا امکداش‌لیق ایچینده، ونزوئلاداکی آنایاسا حکومتی دئویرمه‌یه و سئوگی‌لی اؤلکه‌میزه نفوذ ائتمه‌یه چالیشدیق‌لارینی سؤیله‌دی" ایفاده‌لرینی ایستیفاده ائتدی.

مکزیک و کولومبیا حکومت‌لرینی نفت ماراق‌لاری اوچون آمریکا ایله گیزلیجه آنلاشماقلا گوناهلان‌دیران مادورو؛

"اومود‌سوز اولدوق‌لارینی بیلیرم، چونکی مکزیک یالنیز بئش ایللیک نفته صاحب، نفتی توکندی. کولومبیانین 6 ایللیک نفتی قالدی و ونزوئلانین نفتی‌نین موتتفیق‌لری ایختیلافا ایله ایمپریالیزمه عایید اولدوغونا اینانماق ایستییرلر "دئدی.

مادورو، ونزوئلانین داها اوّل ایقتیصادی تحریم تطبیق ائتمکله تهدید ائدن آمریکا پرزیدنتی دونالد ترامپین، سیا دیرکتورو پومپئونون سؤزلرینی آچیقلامایا چاغیردی.