عرب بیرلیگی نؤبهدن کنار توپلانتی کئچیرهجک
عرب بیرلیگی ایسرائیل-ین قودس و مسجید الاقصی-دا آرتان قانون پوزونتولارینا گؤره نؤبهدن کنار ییغینجاق کئچیرمه قراری آلدی.
![عرب بیرلیگی نؤبهدن کنار توپلانتی کئچیرهجک](http://cdn.trt.net.tr/images/xlarge/rectangle/4c81/b517/43b1/59759c8520fb4.jpg?time=1719046073)
عرب بیرلیگی ایسرائیل-ین قودس و مسجید الاقصی-دا آرتان قانون پوزونتولارینا گؤره نؤبهدن کنار ییغینجاق کئچیرمه قراری آلدی.
بو، عرب بیرلیگینین یازیلی آچیقلاماسینا بیلدیریلدی.
بیرلیگین باش کاتیبی احمد ابوالغیط دا مطبوعاتا وئردیگی آچیقلامادا دئدی کی، ایسرائیل-ین ایللرله داوام ائتدیردیگی قودس و مسجید الاقصی-یا قارشی پلانلارینی قیناییریق. قودس قیرمیزی خطی میزدیر. عرب و مسلمانلار اونا ضرر گلمهسینی قبول ائتمز. ایسرائیل حکومتی اودلا اویناییر.
دیگر طرفدن، سوئد، فرانسا و میصر، بمت تهلوکهسیزلیک شوراسینی مسجید الاقصی-دا یاشانان گرگینلیگین آزالدیلماسینی تامین ائتمک اوچون ییغینجاغا چاغیردی.
سوئد-ین دایمی نمایندهسینین سؤزچوسو کارل ایسکاو سوسیال شبکه حسابیندا یایدیغی آچیقلاماسیندا قودس-ده گرگینلیگین نئجه آزالدیلا بیلهجگینی موذاکیره ائتمک اوچون تهلوکهسیزلیک شوراسینی فرانسا و میصر ایله عاجیل ییغینجاغا چاغیردیقلارینی بیلدیردی.
ایسرائیل پولیسی مسجید الاقصی-دا ژوئیه آیینین 14-ده سیلاحلی هوجومدا ایشتیراک ائتدیگینی ایرهلی سوردوگو 3 فیلسطینلینی اؤلدورموش، حادثهده یارالانان 2 ایسرائیل پولیسینین ایسه یئرلشدیریلدیکلری خستهخانادا اؤلدوگونو آچیقلامیشدی.
حادثهدن سونرا مسجید الاقصی-نی عبادته باغلایان ایسرائیل تهلوکهسیزلیک قوهلری حرم شریفین ایکی قاپیسینی داها سونرا آچمیش، آنجاق بو دفعه ده قاپیلارا متال یوخلاما جیهازلاری یئرلشدیرمیشدی.
مسجید الاقصی-دا ناماز قیلینماسینا مانعه تؤرهدن ایسرائیل پولیسی ایله بو جیهازلاری کئچمک ایستمهدیگی اوچون توققوشان فیلیسطینلیلرین 3-و حیاتینی ایتیررکن، اونلارلا فیلیسطینلی ایسه یارالاندی.