واتسآپدا اوشاق استثماری
واتسآپدا اوشاق استثماری ائدن اولوسلارآراسی سانال شبکهیه بؤیوک ضربه ائندیریلدی
واتسآپدا اوشاق استثماری ایچریکلی گؤرونتو پایلاشیم ائدیلدیگی تثبیتی اوزرینه 15 اؤلکهده ائدیلن اولوسلارآراسی عملیاتدا، 50 نفر گؤزآلتینا آلیندی
ایسپانیا امنیت باش مودورلوگو طرفیندن وئریلن یازیلی آچیقلامادا، آمریپول و اینترپول تشکیلاتلارینین امکداشلیغییلا عینی واختدا حیاتا گئچیریلن عملیاتدا، واتسآپدا اوشاق استثماری ائدن اولوسلارآراسی سانال شبکهیه بؤیوک ضربه ائندیریلدی.
ایسپانیا سایبری پلیسلرین آپاردیغی بیر سوروشدورمادا، "اینترنت پروفوندا (درین اینترنت)" آدلی جیب تلفنلارینداکی واتسآپ اویقولامالاری آلتیندا چالیشان، ایسپانیولجا دانیشان بعضی اؤلکهلرده ایستیفاده ائدیلن بیر پروگرامین تثبیت ائدیلدیگی بیلدیریلن آچیقلامادا، بونون ایچریسینده اوشاق استثمارینی احتیوا ائدن گؤرونتو پایلاشیمی و دانیشمالار اولدوغونون اورتایا چیخاریلدیغی ایفاده ائدیلدی.
آچیقلامادا، عملیات چرچیوهسینده ایسپانیادا 11، کلمبیادا 7، بولیویده 7، برزیلده 3، شیلیده 4، کاستاریکادا 3، دومینیکده 2، گواتمالادا 2، مکزیکده 2، پاراگوئهده 2، ونزوئلادا 2، اوروگوئهده 2، پانامادا 1، نیکاراگوادا 1 و ایتالیادا 1 اولماق اوزره 15 اؤلکهده 50 نفرین گؤزآلتینا آلیندیغی بیلدیریلدی.