آمریکادا عالی محکمه، گؤچمن قرارنامه‌سی‌نین قیسمن حیاتا کئچیریلمه‌سینه قرار وئردی

آمریکادا عالی محکمه، پرزیدنت دونالد ترامپ‌ین محکمه مانعه‌سینه ایلیشن گؤچمن قرارنامه‌سی‌نین قیسمن حیاتا کئچیریلمه‌سینه قرار وئردی.

اها‌لی‌سی‌نین چوخو مسلمان اولان 6 اؤلکه‌یه تطبیق اولونان ویزا قاداغاسی‌نین بیر قیسمی تطبیق اولونا‌جاق.

عالی محکمه، آمریکا پرزیدنتی دونالد ترامپ‌ین سوریه، یمن، ایران، لیبی، سودان و سوما‌لی‌ده گلن اینسانلارا یؤنلیک قویدوغو سیاحت قاداغاسینی قیسمن حاق‌لی گؤردو.

بیر ایش یئرینده ایش ایجازه‌سی اولان و بیر اونیورسیته‌دن قبول آلمیش شخص‌لره بو قاداغان اویقولانامایاجاق.

سؤز موضوعسو اینسانلار آمریکایا گیره بیله‌جک.

آمریکا پرزیدنتی ترامپ، یوکسک محکمه‌نین قراری‌نین میلی امنیت باخیمین‌دان آچیق بیر ظفر اولدوغونو ساووندو.

ترامپ‌ین 27 ژانویه‌ده ایمضالادیغی باشقانلیق فرمانی، 6 اؤلکه وطنداش‌لارینا 90 گون، قاچقین‌لارا ایسه 120 گون آمریکایا گیریش قاداغانی گتیرمیشدی.

هاوا ساحه‌لرینده اعتراض نوماییش‌لری ائدیلمه‌سینه یول آچان فرمان، آیری-سئچکی‌لیک اولدوغو سببیله فدرال عالی محکمه‌لری طرفین‌دن رد ائدیلمیشدی.

قرارنامه‌نین تامامیله علاقه‌دار سون قرار اوکتوبر آییندا وئریله‌جک.