آمریکا: سوریه‌ده اسد رژیمی، یئنی بیر شیمیایی سیلاح سالدیریسی حاضیرلیغیندا
آغ ائو سؤزچوسو شان اسپایسر، سوریه‌ده یئنی بیر شیمیایی سیلاح سالدیریسی حاضیرلیغی اولدوغونا باغلی یازیلی بیر آچیقلاما ائتدی
آمریکا رهبرلیگی، سوریه‌ده اسد رژیمی‌نین، کوتلوی سیویل اؤلوم‌لرینه سبب اولا بیله‌جک یئنی بیر شیمیایی سیلاح سالدیریسی حاضیرلیغی ائتدیگینی ادعا ائتدی و بئله بیر سالدیری وضعیتینده رژیمین آغیر بیر بدل اؤدیه‌جگینی آچیقلاییب.
آغ ائو سؤزچوسو شان اسپایسر، سوریه‌ده یئنی بیر شیمیایی سیلاح سالدیریسی حاضیرلیغی اولدوغونا باغلی یازیلی بیر آچیقلاما ائتدی.
آچیقلامادا،
"آمریکا، اسد رژیمی طرفین‌دن، گوناه‌سیز اوشاقلار ایله کوتلوی سیویل اؤلوم‌لرینه سبب اولا بیله‌جک بیر شیمیایی سیلاح سالدیریسی حاضیرلیق‌لاری‌نین اولدوغونو تثبیت ائتمیش‌دیر. بو حاضیرلیق‌لار، 4 آوریل 2017دکی شیمیایی سیلاح سالدیریسین‌دان اوّلکی‌لره بنزییر." ایفاده‌لرینه یئر وئریلدی.
آمریکانین سوریه‌ده ائتمک مقصدی‌نین، ترور تشکیلاتی داعشی سوریه و عراق‌دان تمیزلمک اولدوغو وورغولانان آچیقلامادا،
"آنجاق اگر کیشی اسد، شیمیایی سیلاح‌لار ایستیفاده ائده‌رک یئنی بیر کوتلوی اؤلوم سالدیریسی ائدرسه، او و اوردوسو بونون بدلینی آغیر اؤده‌یه‌جک." خبردارلیغی ائدیلدی.
