مکزیک‌ین وئرکروز ایالتینده 11 نفر اؤلدورولدو
ایالتین کاردل شهرینده بیر رستوراندا یئمک یئین و آرا‌لاریندا ایالتین فدرال امنیت مودورو کامیلو کاستاگن ایله 4 اوشاغین دا اولدوغو 11 نفرین اؤلدورولدوگو آچیقلاندی
759733
مکزیک‌ین وئرکروز ایالتینده بیر رستورانی باسان سیلاح‌لی شخص‌لر، 4-و اوشاق 11 نفری اؤلدوردو.
وئرکروز ایالتی اوستانداری میگوئل آنگل یونس، اجتماعی مئدیا حسابین‌دان یاینلادیغی ویدئودا، ایالتین کاردل شهرینده بیر رستوراندا یئمک یئین و آرا‌لاریندا ایالتین فدرال امنیت مودورو کامیلو کاستاگن ایله 4 اوشاغین دا اولدوغو 11 نفرین اؤلدورولدوگونو آچیقلادی.
جینایتی گؤرن‌لری جاناوار و آلچاق اولا‌راق خاراکتریزه ائدن یونس، اؤلکه‌دکی موتشکیل جینایت‌لرین اوزرینه گئده‌جگینه دایر وئردیگی سؤزو تکرارلادی.
والی یونس، مارس آییندا وئرکروزدان ایشگنجه ائدیله‌رک اؤلدورولدوگو تثبیت ائدیلن 11 نفره عایید جسدین اولماسی‌نین آردین‌دان ائتدیگی آچیقلامادا، ایالتده ایشلنن جینایت‌لرین یوزده 70-نین موتشکیل جینایت شبکه‌لری آراسین‌داکی چاتیشما‌لاردان قایناقلاندیغینی سؤیلمیشدی.
