لندنده ترور مسلمانلاری ووردو
شاهیدلر گؤزآلتینا آلینان شبههلینین "مسلمانلاری اؤلدورهجهیم!" دئیه قیشقیردیغینی ادعا ائتدی
![لندنده ترور مسلمانلاری ووردو](http://cdn.trt.net.tr/images/xlarge/rectangle/df7c/dc41/e40f/594748cf64b68.jpg?time=1719016875)
اینگیلترهده "ترور" بو دفعه مسلمانلاری هدف آلدی.
لندنین قوزئیینده، فینسبوری پارک بؤلگهسینده بیر نفر، کامیونو، تراویح نامازیندان داغیلان قالدیریمداکی مسلمانلارین اوزرینه سوردو.
سالدیریدا بیر نفر اؤلدو، ان آز 10 نفر یارالاندی.
فینسبوری پارک مسجیدی امامی، سالدیرینین مسلمانلاری هدف آلدیغینی حادثهده اؤلنلرین ده اولدوغونو سؤیلهدی.
سالدیریلا ایلگیلی بیر نفر گؤزآلینا آلیندی، 2 نفر ایسه حادثه یئریندن قاچدی.
گؤزآلتینا آلینان شبههلینین کیملیگی آچیقلانمادی.
سالدیرینی "قورخونج بیر قضا" دئیه دگرلندیرن اینگیلتره باشباخانی ترزا می، یارالانانلارا عاجل شفالار دیلهدی.
اینگیلتره مسلمان شوراسی، حادثهنین مسجید جماعتینی هدف آلان بیر ترور سالدیریسی اولدوغونو بیلدیردی.
شاهیدلر گؤزآلتینا آلینان شبههلینین "مسلمانلاری اؤلدورهجهیم!" دئیه قیشقیردیغینی ادعا ائتدی.