روسیا، ابوبکر البغدادی‌نین رقه شهرینده اؤلموش اولا بیله‌جگینی بیلدیردی
آچیقلامادا، ابوبکر البغدادی‌نین وورولان بینادا اولدوغو و اؤلدوگو معلوماتی‌نین فرق‌لی قایناق‌لاردان تصدیق ائدیلمه‌یه چالیشیلدیغی قید ائدیلدی
روسیا، ترور تشکیلاتی داعش لیدری ابوبکر البغدادی‌نین 28 می‌ده سوریه‌نین رقه شهرینه تشکیل ائدیلن هاوا سالدیریسیندا اؤلدورولموش اولا بیله‌جگینی بیلدیردی.
روسیا ساوونما ناظیرلیگین‌دن ائدیلن آچیقلامادا، روس اوچاق‌لاری‌نین 28 می‌ده رقه یاخینلیغیندا ترور تشکیلاتی داعشین اوست سویه آدلاری‌نین توپلانتی ائتدیگی بیر بینانی ووردوغو و 30-و ساحه قوموتانی اولماقلا تخمینن 330 میلیتانین اؤلدورولدوگو ایفاده ائدیلدی.
آچیقلامادا، ابوبکر البغدادی‌نین وورولان بینادا اولدوغو و اؤلدوگو معلوماتی‌نین فرق‌لی قایناق‌لاردان تصدیق ائدیلمه‌یه چالیشیلدیغی قید ائدیلدی.
اؤلدورولن ترور تشکیلاتی داعش منسوب‌لاری آراسیندا، سؤزده رقه امری ابو ال حاجی المیصری، امنیت سرویسین‌دن مسئول سلیمان الشاوه و رقه ایله سوهنه آراسیندا قالان بؤلگه‌نی نظارت ائدن ایبراهیم النیف الحاجین یئر آلدیغی معلوماتی پایلاشیلدی.
