پکاکا، 2016دا آوروپادا ترور اسدیردی
پکاکا طرفیندن آ.ب اؤلکهلرینده 142 ترور سالدیریسی گرچکلشرکن، بو سالدیریلاردا 142 نفر اؤلدو
![پکاکا، 2016دا آوروپادا ترور اسدیردی](http://cdn.trt.net.tr/images/xlarge/rectangle/de69/4808/5d62/57ff64c25acc5.jpg?time=1719017775)
بؤلوجو ترور هؤرگوتو پکاکا، 2016دا آوروپادا ترور اسدیردی.
آوروپا پلیس تشکیلاتی یوروپولون "آوروپا بیرلیگی (آ.ب) تروریزم دورومو 2017 راپورو"نا گؤره، ترور هؤرگوتو پکاکا آ.ب اؤلکهلرینده تورک قوروملارینی، مدنیت مرکزلرینی و مولکلری هدف آلان بیر سیرا سالدیری گرچکلشدیردی، باغیش توپلاما، تبلیغات و هؤرگوته تروریست قازاندیرما فعالیتلرینه داوام ائتدی.
2016داکی حادثهلری ایچینه آلان راپورا گؤره، پکاکا طرفیندن آ.ب اؤلکهلرینده 142 ترور سالدیریسی گرچکلشرکن، بو سالدیریلاردا 142 نفر اؤلدو، 379 نفر ده یارالاندی.
سالدیریلار سککیز عضو اؤلکهده میدانا گلدی. بونلارین یاریسیندان چوخونو (76) بؤیوک بریتانیا راپور ائدرکن، فرانسادا 23، ایتالیادا 17، ایسپانیادا 10، یونانیستاندا 6، آلمانیادا 5، بلژیکده 4 و هلندده 1 سالدیری ثبت ائدیلدی.
سالدیریلارین یوزده 40یندا پاتلاییجیلار ایستیفاده ائدیلدی.
تروریزمین مالیهلشدیریلمهسی ایله ایلگیلی اولاراق، آوروپاداکی ترور فعالیتلرینین یوزده 40ینین اویوشدوروجو تیجارتی باشدا اولماق اوزره، اوغورلوق، تقلید محصول ساتیشی، کرئدی آلداتماچیلیغی و سویغونلار یولو ایله تامین ائدیلدیگی ایفاده ائدیلدی.
پکاکا؛ بلژیک، فرانسا، آلمانیا، ایتالیا، رمانی و سوئدده باغیش توپلاما، تبلیغات و هؤرگوته تروریست قازاندیرما فعالیتلرینه داوام ائتدی. یالنیز فرانسادا توپلانان پولون، 5،3 میلیون یورویا چاتدیغی سانیلیر.
پکاکا، ایتالیادا دا هؤرگوته تروریست قازاندیرما فعالیتلری ائتدی. سوئد، پکاکانین 2016نین ایکینجی یاریسیندا آلپ داغلاری اتکلریندکی بؤلگهلرده تروریستلر اوچون بیر دیزی ایدئولوژیکائگیتیم کمظی تشکیل ائتمیش اولابیلهجیینی راپور ائتدی.
ترور هؤرگوتو دحکپ-جدن ایسه بعضی آ.ب اؤلکهلرینده تورکیهدکی ترور ائیلملرینه مالی و لجستیک دستک تامین ائدن بیر شبکهنی محافظه ائتدیگی قید ائدیلدی. هؤرگوتون آ.بدکی قورولوشونون، قانونی اولاراق قورولموش درنکلر آلتیندا فعالیت گؤستردیگی ایفاده ائدیلدی.