آنگلا مرکل: تورکیه ایله دیالوقون داوام ائتدیریلمهسی لازیمدیر
مرکل، بولغاریستان باش ناظیری بویکو بوریسوو ایله باشکند برلینده ائتدیگی گؤروشمهنین آردیندان تشکیل ائدیلن اورتاق مطبوعات کونفرانسیندا، آلمان ناظیرلر کابینهسینین آلدیغی "اینجیرلیکدن چکیلمه" قرارینی قیمتلندیردی
آلمانیا باش ناظیری آنگلا مرکل، تورکیه ایله دیالوقون، آلمان عسگرلرینین آدانادا اولان اینجیرلیک پایگاهیندان چکیلمه قراریندان سونرا دا داوام ائتدیریلمهسی لازیم اولدوغونو سؤیلهدی.
مرکل، بولغاریستان باش ناظیری بویکو بوریسوو ایله باشکند برلینده ائتدیگی گؤروشمهنین آردیندان تشکیل ائدیلن اورتاق مطبوعات کونفرانسیندا، آلمان ناظیرلر کابینهسینین آلدیغی "اینجیرلیکدن چکیلمه" قرارینی قیمتلندیردی.
مرکل،
"من بو آددیملا ایشلرین پیسه گئدجگی بیر وضعیتی گؤرمورم. تورکیه ایله دیالوقو داوام ائتدیرمهمیز لازیمدیر. تورکیه ایله بیر سیرا اورتاق ماراقلاریمیز وار. بوندان باشقا یاخین ایقتیصادی باغلار وار. بوندان اؤتورو رابطه کاناللاری لازیملی." دئیه بیلدیردی.
بو آرادا، آلمانیا ساوونما ناظیری اورزولا فون در لاین، اینجیرلیکدکی آلمان نیظامی عنصورلارینین اوردونا کؤچورولمهسی قراری علاقهدار اولاراق، میلللی ساوونما ناظیری فیکری ایشیکین تلفونلا آختاراراق معلومات وئردی.
میللی ساوونما ناظیرلیگی قایناقلاریندان الده ائدیلن معلوماتا گؤره، فون در لین، تورکیهنین اینجیرلیکدکی ائو صاحبلیگی اوچون میننتدار اولدوقلارینی آنجاق بو قراری آلماق مجبوریتینده قالدیقلارینی وورغولادی.
ناظیر ایشیق دا، گؤروشمهده، اینجیرلیکدکی آلمان نیظامی عنصورلرینین اوردونا آخینی، ترور تشکیلاتی داعش ایله موباریزهده آخساقلیغا یول آچمایاجاق شکیلده اولماسی لازیم اولدوغونو ایفاده ائتدی.
فیکری ایشیق و اورزولا فون در لین، گؤروشمهده، همچینین، اینتیقال دئتاللاری حاقیندا یاخین تماسدا قالماق موضوعسوندا راضیلیغا واردی.
پرزیدنت رجب طیب اردوغان، آلمانیانین آداناداکی اینجیرلیک پایگاهیندان چکیلمک ایستمسیله علاقهدار اولاراق، کئچن آیکی ناتو دولت و حکومت باشقانلاری توپلانتینا قاتیلماق عذره بلژیکایا حرکتیندن اوّل اسئنبوغا هاوا لیمانیندا ائتدیگی آچیقلامادا،
"بئله بیر شئی اگر ائدهجک اولسالار بیزیم اوچون چوخ دا اهمیتلی بیر پروبلم دئییل بو. گئدرلرسه بیز 'گوله گوله دئیریک، باشقا بیر شئی دئییل." ایفادهلرینی ایستیفاده ائتمیشدی.