فارک‌ین سلاح بوراخماسی اوچون حاضیرلیق

بیرلشمیش میللت‌لر تشکیلاتی‌، کلمبیا دئوریمچی سلاح‌لی گوجلرینین (فارک) سلاح‌لارینی تسلیم ائتمه‌سی اوچون سون تاریخ اولا‌راق تعیین اولونان 20 ژوئن اؤنجه‌سینده بوتون حاضرلیق‌لاری ائتدیگینی آچیقلادی.

بیرلشمیش میللتلر کلمبیا نماینده ‌لیگیندن وئریلن یازی‌لی آچیقلامادا، حکومت ایله فارک آراسین‌داکی باریش آنلاشماسیندا سلاح بوراخما پروسه‌سینین سونا چاتاجاغی 20 ژوئن اوچون اؤلکه‌نین 26 فرق‌لی بؤلگه‌سینده یارادیلان توپلانما ساحه‌لرینده بوتون لجستیک حاضیرلیغین تاماملاندیغی ایفاده ائدیلدی.

فارک‌دان 7 مین‌دن چوخ سلاحین تسلیم آلیناجاغی‌نین خاطیرلادیلدیغی آچیقلامادا، 24 نوامبر 2016دا بوگوتاداکی تاریخی تاتر سالونو کولوندا ایمضا‌لانان آنلاشمانین بو مرحله‌سی‌نین تاماملانماسی اوچون توپلانما ساحه‌لرینده 44 کانتینر و 8 آنبار تاسیس ائدیلدیگی قید ائدیلدی.

آچیقلامادا، سلاح‌لارین تسلیم آلینماسی ایشلرینده 450 اولوسلارآراسی گؤزلمچی‌نین یانیندا 72 مولکی چالیشانین چالیشدیغی ایفاده ائدیلدی.