آمریکا، پ.ی.د-یه، رقه عملیاتی اوچون وئردیگی سیلاحلارلا باغلی تورکیه ایله دانیشاجاق
آمریکانین پ.ی.د / ی.پ.گ-یه وئردیگی سیلاحلارین نوعو، میقداری و گؤندریلن واسطهلرین ساییسی ایله باغلی سوالی اوزرینه دیلون، بو آیرینتیلاری ایجتیماعیته آچیقلامایاجاقلارینی آنجاق سیلاحلارین تعقیب ائدیلدیگینی سؤیلهدی
آمریکا لیدرلیگیندکی داعش علیهداری کوالیسیون سؤزچوسو سرهنگ ریان دیلون، آمریکانین بؤلوچو ترور تشکیلاتی پ.ک.ک-نین سوریهدکی قولو پ.ی.د-یه، رقه عملیاتی اوچون وئردیگی سیلاحلارلا علاقهدار آیرینتیلارین تورکیه ایله پایلاشیلاجاغینی سؤیلهدی.
سرهنگ جان دورریانین یئرینه بیرلشمیش وظیفه گوجو طبیعی دایانیقلیلیق اوپراسیونونا ایسپیکر اولاراق کئچن هفته تعیین اولونموش سرهنگ دیلون، عراقین باشکندی بغداددان تلکونفرانس اوصولو ایله آمریکا ساوونما ناظیرلیگینه (پنتاگون) باغلاناراق ژورنالیستلرین سواللارینی جوابلادی.
آمریکانین پ.ی.د / ی.پ.گ-یه وئردیگی سیلاحلارین نوعو، میقداری و گؤندریلن واسطهلرین ساییسی ایله باغلی سوالی اوزرینه دیلون، بو آیرینتیلاری ایجتیماعیته آچیقلامایاجاقلارینی آنجاق سیلاحلارین تعقیب ائدیلدیگینی سؤیلهدی.
"بونلاری عملیات سببلردن اؤتری آچیقلامایاجاغیز چونکی داعشین، سوریه دموکراتیک گوجلرینین (سدگ) الیندهکیلرینی بیلمهسینی ایستمیریک."دئین دیلون، سؤز موضوعسو سیلاحلارین تیپ و میقدارلارینا و هارادا اولدوقلارینا دایر دئتاللارین تورکیه ایله پایلاشاجاغینی ایفاده ائتدی.
سرهنگ دیلون، سیلاحلارین ایزینی نئجه تعقیب ائدهجکلرینه یؤنلیک بیر سوالا ایسه بو جوابی وئردی:
"بیرینجیسی، دموکراتیک گوجلرینین آوادانلیق ائدن بوتون عنصورلارینین دارامادان کئچیریلمهسی تامین ائدیلیر؛ عینی زاماندا یالنیز داعش ایله دؤیوشمه و بیزیم سیلاحلی چاتیشما قانونلاریمیزا اویما ضرورتلری وار. وئریلن بوتون سیلاحلار بیرلیک قوموتانلارینا آردیجیل نؤمرهلری ایله ضیممتلنهجک و بوتون بو دئتاللاری، سیلاحلار موضوعسوندا قایغی دویان شمالداکی موتتفیکیمیزله پایلاشاجاغیق."
آیریجا دیلون، ساحهده آمریکا عسگرلرینین ده بو سیلاحلاری تعقیب ائدجگینی و مقصدی خاریجینده بیر ایستیفادهنین سؤز موضوعسو اولماسی حالیندا بونو ائدن قروپا آرتیق سیلاح وئریلمیهجگینی قید ائتدی.
دیلون، ترور تشکیلاتی پ.ک.ک / پ.ی.د-یه زیرئهلی واسطهلره قارشی ایستیفاده ائدهجکلری آغیر سیلاحلاری ایسه هله وئرمدیکلرینی بیلدیریب.
آنجاق رقهیه یاخینلاشدیقجا تشکیلاتین، داعشین بومبا یوکلو زیرئهلی واسطه تهدیدی ایله قارشی-قارشییا قالاجاغینی سؤیلهین ایسپیکر، بو آغیر سیلاحلارین او زامان وئریلمهیه باشلاناجاغینی ایفاده ائتدی