آمریکا پرزیدنتی دونالد ترامپ‌دان بو دفعه ده دیپلوماتیک ایسکاندال

آمریکا پرزیدنتی دونالد ترامپ‌دان بو دفعه ده دیپلوماتیک ایسکاندال ...

ترامپین جیب تلفونو نؤمره‌سینی دونیا لیدرلرینه وئره‌رک عاجیل وضعیت‌لرده 'بیرباشا اؤزونو زنگ‌لرینی طلب ائتدیگی اورتایا چیخدی.

آمریکا‌لی مسئول‌لاردان کؤچورولن معلوماتا گؤره ترامپ، کانادا و مکزیک لیدرلرینه، اؤزونه موبیل تلفون‌دان چاتما‌لارینی سؤیله‌دی.

دیپلوماتیک پروتوکولو پوزان بو دعوتی، گؤروشمه‌لری‌نین گیزلی‌لیگی و امنیتی موضوعسوندا ناراحات‌لیق‌لاری گوندمه گتیردی.

ترامپین بو ایستگینه یالنیز کانادا باش ناظیری جاستین ترودونون جواب وئردیگی قید ائدیلدی.

بیر فرانسیز مسئول دا، فرانسادا پرزیدنت سئچیلمه‌سی‌نین آردین‌دان امانوئل ماکرون ایله ترامپ آراسیندا رئال‌لاشان تلفون گؤروشمه‌سی اثناسیندا دا جیب تلفونو نؤمره‌لری‌نین قارشی‌لیق‌لی اولا‌راق وئریلدیگینی سؤیله‌دی. لاکین ماکرونون بو خطی ایستیفاده نیتی اولوب اولمادیغینا دایر بیر آچیقلاما ائدیلمه‌دی.

دونیا لیدرلری‌نین بیره دانیشیق‌لارینی جیب تلفونویلا ائتمه‌لری دیپلوماتیک آرئنادا پروتوکولون پوزولماسی اولا‌راق گؤرولور.

دولت لیدرلری عمومیتله دانیشیق‌لارینی اعتبارلی تلفون خط‌لری اوزرین‌دن ایجرا ائدیر.

بونا آغ ائو وضعیتی اوتاغی، اووال اوفیس و باشقان‌لیق لیموزینینده رئال‌لاشان دانیشیق‌لار ده داخیل.

آمریکان میلی امنیت متخصص‌لری ترامپین جیب تلفونونون، حکومت طرفین‌دن تاسیس ائدیلمیش اولسا بئله، دینلمه‌لره آچیق اولدوغو موضوعسوندا خبردارلیق ائدیر.

اسکی پنتاگون مصلحتچی‌سی و میللی امنیت شوراسی‌نین مسئولو دراک چولت، "اگر آچیق بیر خط‌دن دانیشیرسانیز، بو آچیق بیر خط دیر. یعنی بو دیالوق‌لاری تعقیب ائتمه باجاریغی اولان اینسانلار بونو ائدیردی" دئدی.

چولت، "بیر باشقان اؤزو ایله اعتبارلی تلفون تاشماز. اگر بیری سیزی ایزلمه‌یه چالیشیرسا، او حالدا هر سؤیلدیگینیزی دیگرلری‌نین ده دینلدیگینی فرض ائتمنیز لازیم‌دیر" دئیه دانیشدی.

ویرجینیا اونیورسیته‌سی حاق پروفسورو آشلی دکس ایسه،

"اگر ماکرون و یا بیر باشقا اؤلکه‌نین لیدریسن و آمریکا باشقانی‌نین موبیل تلفونونو آلیرسانسا، بو نؤمره‌نین کشفیات خیدمت‌لرینه وئریله‌جگینی تخمین ائتمک منطیق‌سیز دئییل" ایفاده‌لرینی ایستیفاده ائتدی.