آوروپا بیرلیگی سوروشدورما باشلاتاجاق
آوروپا بیرلیگی قاچقین قبول ائتمهین عضو اؤلکهلر حاقیندا سوروشدورما باشلاتاجاق.
آوروپا بیرلیگی کومیسیونونون کوچ، ایچ ایشلری و وطنداشلیق عذره کمیسیاری دیمیتریس آوراموپولوس 160 مین قاچقینینین بؤلوشدورولمهسینی نظرده توتان مکانیزمه قاتیلمایان عضو اؤلکهلر حاقیندا سوروشدورما باشلاتیلاجاغینی آچیقلادی.
آوراموپولوس آوروپا پارلامئنتینین فرانسانین استراسبورگ شهرینده کئچیریلن ایجلاسیندا آوروپا بیرلیگی اؤلکهلرینین 160 مین قاچقینی کوتا سیستمی ایله بیرلیگ اؤلکهلرینه یئرلشدیریلمهسینی نظرده توتان مکانیزمده ایشتیراک ائتمهسینین حقوقی و اخلاقی وظیفه اولدوغونو قئید ائتدی.
آوروپا بیرلیگی اؤلکهلری ایچ ایشلری ناظیرلرینین اکثریتینین رای ایله قبول ائدیلن مکانیزمین پرینسیپینین دایانیشما اولدوغونا ایشاره ائدن آوراموپولوس: "سؤز یالنیز ایتالیا و یونانیستانین ماراقلاریندال دئییل، عینی زاماندا بوتون آوروپا بیرلیگینین ماراغیندان گئدیر. کوتا سیستمی ایله بوگونه قدر تخمینن 18 مین قاچقین یئرلشدیریلدی، اما بو رقم هدفدن چوخ آزدیر" دئدی.
کومیسیون ایجلاسیندا بو گونه قدر بیر دنه ده قاچقین یئرلشدیرمهین عضو اؤلکهلر آراسیندا ماجاریستان، لهستان و اتریش-ین آدلاری چکیلدی.