فرانسادا، حکومت ایستعفا ائتدی

فرانسادا، مانوئل ماکرونون پرزیدنت‌لیک سئچیلدیگینی رسمن آچیقلانماسی‌نین آردین‌دان حکومت ایستعفا ائتدی.

مقامینا ماکرونا دئور ائده‌جک اولان پرزیدنت فرانسوا اولاند دا، باش ناظیر برنارد کازنونون تقدیم ائتدیگی ایستعفانی قبول ائتدی.

باش ناظیر کازنونا 6 آیدیر داوام ائدن ایشلری سببین‌دن تشککور ائدن اولاند، یئنی حکومت قورولانا قدر وظیفه‌یه داوام ائتمه‌سینی ایسته‌دی.

فرانسا آنایاسا شوراسی باشقانی لاورن فابیوس، امانوئل ماکرونون پرزیدنت سئچیمی ایکینجی توروندا سس‌لرین یوزده 66،10ونو آلا‌راق رسمی نتیجه‌لره گؤره اؤلکه‌نین یئنی پرزیدنت اولدوغونو بیلدیرمیشدی.

ماکرونون پرزیدنت‌لیگینی بو بازار اولاند‌دان دئورالماسی گؤزلنیلیر.

اؤلکه‌ده، یئنی میللی مجلیسین شکیللنه‌جگی میللت وکیلی عمومی سئچکی‌سی‌نین ایلک تورو 11 ژوئنده ائدیله‌جک.

ایلک توردا هئچ بیر پارتی تام اکثریتی یاخالایامازسا یوزده 12،5ی کئچن پارتی‌لر 18 ژوئنده ایکینجی تور سئچیم‌لرده یاریشا‌جاق.