آمریکادا، بیر گئجهده 2 نفر اعدام ائدیلدی
جونزون سون سؤزلری، اؤلدوردوگو آدامین قیزیندان عذر دیلمک و "اومود ائدیرم زامانلا اصلینده پیس بیر اینسان اولمادیغیمی آنلارسینیز" دئمک اولدو
![آمریکادا، بیر گئجهده 2 نفر اعدام ائدیلدی](http://cdn.trt.net.tr/images/xlarge/rectangle/95de/b181/44cb/58dc82968005d.jpg?time=1719186350)
آمریکادا، 17 ایلین آردیندان ایلک دفعه، بیر گئجهده 2 نفر اعدام ائدیلدی.
آرکانزاس ایالتینده 3 ساعات آرایلا 2 محکوم اعدام ائدیلدی.
محکوملارین ایکیسی ده تجاووز و جینایتدن سوچلاریندان یارغیلانمیشدی.
اعداملار، زهرلی ایگنه ایله گرچکلشدی.
اؤنجه 52 یاشینداکی جک جونز اعدام اوتاغینا آپاریلدی. جونزون سون سؤزلری، اؤلدوردوگو آدامین قیزیندان عذر دیلمک و "اومود ائدیرم زامانلا اصلینده پیس بیر اینسان اولمادیغیمی آنلارسینیز" دئمک اولدو.
ایکینجی محکومون وکیللری، سون دقیقه گیریشیمی ایله اعدامی وردورماغا چالیشدی.
یئرلی حاکملرین اعدامی دوردورما قراری، فدرال حاکمین اعداما اونای وئرمهسیله پوزولدو.
آرکانزاسدا، آی سونونا قدر 8 محکومون داها اعدام ائدیلمهسی پلانلاشدیریلیر.
اعداملاردان 4ونون وکیللرین گیریشیمی ایله هلهلیک دوردورولدو.
آرکانزاس ایالتینده گلهجک آیدان اعتباراً اعدام جزالارینین اجرا شکلی ایسه دییشهجک.
اؤلدوروجو زهرلی مادهنین وئریلمهسی محکوملار اویوشدورولدوقدان سونرا اولاجاق.
آمریکادا اعدام جزالارینین تطبیقی اؤنجهکی باشقان باراک اوباما دؤورونده سون 25 ایلین ان آشاغی سویهسینه گئریلهمیشدی.