"تک بیر ضربه ایله باتیرماغا حاضریق"
قوزئی کره: دئوریمچی گوجلریمیز، آمریکانین نوکلئر گوجله چالیشان اوچاق گمی‌سینی تک بیر ضربه ایله باتیرماغا حاضردیر
قوزئی کره، آمریکانی، کره یاریم آداسی اطرافیندا حربی وارلیغینی گؤسترمک اوچون بؤلگه‌یه گؤندردیگی اوچاق گمی‌سینی باتیرماقلا تهدید ائتدی.
بی‌بی‌سی‌نین خبرینه گؤره، قوزئی کره‌نین اقتدارداکی ایشچی پارتیسی‌نین رسمی یایین اورگانی رودونگ سینمومدا یئر آلان یوروم یازی‌سیندا، قوزئی کره اوردوسونون، بؤلگه‌یه گئتمه امری آلان کارل وینسون اوچاق گمی‌سینی "تک ضربه‌ده باتیرماغا مقتدیر اولدوغو" ادعا ائدیلدی.
یازیدا، اوچاق گمی‌سینی وورمانین، قوزئی کره‌نین حربی گوجونو ثبوت ائتمک اوچون "یاخشی بیر اؤزنک اولاجاغی" ایفاده ائدیله‌رک،
"دئوریمچی گوجلریمیز، آمریکانین نوکلئر گوجله چالیشان اوچاق گمی‌سینی تک بیر ضربه ایله باتیرماغا حاضردیر" ایفاده‌سینه یئر وئریلدی.
کارل وینسون اوچاق گمی‌سی، آمریکا پرزیدنتی دونالد ترامپین امری ایله قوزئی کره‌یه نوکلئر گیریشیملرینه سون وئرمه‌سی اوچون اویاری اولا‌راق بؤلگه‌یه گؤندریلمیشدی.
گمینین هفته ایچینده کره یاری آداسی ساحللرینه چاتماسی گؤزلنیلیر.
چین‌دن ایسه، قوزئی کره قونوسوندا گرگین‌لیگی یاتیرماغا دؤنوک بیر آددیم گلدی.
پکن طرف‌لری اعتدالا چاغیردی.
ترامپ رهبرلیگی، قوزئی کره‌نین یئنی بیر نوکلئر سیناق ائتمه‌سی دوروموندا حربی عملیات دا داخیل بوتون سئچه‌نک‌لرین ماسادا اولدوغو اویاریسینی ائتمیشدی.
