"آمریکانین ایستراتژیک دؤزوم دؤورو سونا چاتمیشدیر"
آمریکا باشقان کؤمکچیسی پنس، آسیا سفری چرچیوهسینده گونئی کره ایله قوزئی بیر بیریندن آییران عسگردن تمیزلنمیش بؤلگهنی گزدی
!["آمریکانین ایستراتژیک دؤزوم دؤورو سونا چاتمیشدیر"](http://cdn.trt.net.tr/images/xlarge/rectangle/fe82/ace6/8362/58f46deb456a8.jpg?time=1718909540)
آمریکا باشقان کؤمکچیسی مایک پنس، قوزئی کرهنین نوکلئر سلاحلارینا قارشی گؤستردیکلری "ایستراتژیک دؤزومون" توکندیگینی سؤیلهدی.
آمریکا باشقان کؤمکچیسی پنس، آسیا سفری چرچیوهسینده گونئی کره ایله قوزئی بیر بیریندن آییران عسگردن تمیزلنمیش بؤلگهنی گزدی.
پنس، ژورنالیسلره آچیقلاماسیندا، قوزئی کره رژیمینین نوکلئر سلاحلاری و باللیستیک موشکلری بوراخماغا یاناشمادیغینا ایشاره ائدهرک،
"آمریکانین ایستراتژیک دؤزوم دؤورو سونا چاتمیشدیر" دئدی.
قوزئی کرهنین ایلک نوکلئر سلاح سیناغیندان بو یانا یاریم عصر کگئچدیگینه، آمریکانین بو دؤورده ایستراتژیک دؤزوم گؤستردیگینه دقت چئکن پنس،
"قوزئی کرهنین نوکلئر سلاح گلیشدیرمهیه دایر ایزلهدیگی پرواسیز یولدان آیریلدیغینی گؤرمک ایستهییریک. آیریجا داواملی بالیستیک موشک آتماسی و تست ائتمهسی قبول ائدیلهبیلمز" دئدی.
قوزئی کرهنین اؤنجهکی گون ائتدیگی موشک آتیشینی "تخریبات" اولاراق دگرلندیرن پنس،
"آمریکا و متفیقلری، گونئی کرهنی قوروماق و بؤلگهده ثابتلیگی تامین ائتمک اوچون هدفلرینه یا باریش یولو یا دا نهایتینده، نه لازیمدیرسا اونو ائدهرک چاتاجاق" دئیه دانیشدی.