روسیا سوریه قونوسوندا قرار لاییحه‌سینی وتو ائتدی

روسیا، سوریه رئؤیمینین، ایدلیب شهری‌نین خان شیخون دیاریندا کئچن هفتکی شیمیایی سیلاح سالدیری‌نین قینایا‌راق سوروشدورولماسینی ایسته‌ین بیرلشمیش میللت‌لر تشکیلاتی‌نین امنیت شوراسی قرار لاییحه‌سینی وتو ائتدی.

لاییحه آمریکا، اینگیلتره و فرانسا طرفین‌دن حاظیرلانمیشدی.

قانوندا، اسدین 4 آوریل‌دکی هاوا عملیات‌لاری ایله باغلی بوتون اوچوش معلومات‌لاری ایله امر آددیمی‌نین لیسته‌سینی وئرمه‌سی، شیمیایی سالدیری ایله باغلانتیسی اولدوغو دوشونولن نیظامی کارخانا‌لاردا آراشدیرما ائدیلمه‌سینه ایجازه وئرمه‌سی طلب ائدیلیردی.

روسیا، متنی "قبول ائدیله بیلمز" اولا‌راق خاراکتریزه ائتدی و وتو ائتدی.

قانونا روسیانین یانیندا موقتی عضو‌لردن بولیویا دا منفی سس وئردی.

10 عضو قانونا دستک وئرسه ده دایمی عضو روسیانین وتوسو سببیله، متن رد ائدیلمیش اولدو.

روسیا، سوریه‌دکی وطنداش ساواشی‌نین باشین‌دان بو یانا، بیرلشمیش میللت‌لر تشکیلاتی‌نین امنیت شوراسی‌نین 8-جی دفعه سوریه قرار لاییحه‌سینی رد ائتمیش اولدو.

دایمی عضو‌لردن چین بو دفعه وتو موضوعسوندا روسیایا قاتیلمایاراق بیطرف رای ایستیفاده ائتدی.

اتیوپی و قزاقیستانین دا بیطرف رای ایستیفاده ائتمه‌سی دقت چکدی.

امنیت شوراسی سالونوندا آغیر مذاکیره‌لر ده یاشاندی.

آمریکانین بمت-دکی دایمی نماینده‌سی نیکی هیلی، اسدین باریش ایله علاقه‌سی‌نین اولمادیغینی، روسیا، ایران و حزب الله‌ین دا اونا آرخا چیخدیغینی سؤیله‌دی.

هیلی،

"اسد و سوریه حکومتی، سوریه‌ده قورخونج حرکت‌لرینیزین سونرا آرتیق دونیادا هئچ یولداشینیز قالمادی. آمریکا، حرکت‌لرینیزی چوخ یاخین‌دان تعقیب ائدیر. تربیه‌سیزلیغی‌نین و اینسان‌لیغی گؤزاردی ائتدیگینیز گون‌لر سونا چاتدی. باهانه‌لرینیز آرتیق ائشیدیلمه‌یه‌جک." شکلینده دانیشدی.

آمریکا‌لی قایناق‌لار، روسیانی، سالدیری‌نین شیمیایی سیلاحلا رئاللاشدیریلدیغینی اؤرت-باس‌دیر ائتمه‌یه چالیشان سوریه رژیمینه دستک اولماقلا گوناهلاندیریر.

دیگر طرف‌دن روسیا دا موضوعیا باغلی اؤز حاظیرلادیغی لاییحه‌نی بو گون رسمی اولا‌راق شورایا تقدیم ائتدی. روسیانین لاییحه‌سی‌نین نه زامان سس وئرمه‌یه تقدیم ائدیله‌جگینه دایر هله آچیقلاما ائدیلمه‌دی.