ترامپ: بو، هئچ کیمسه اوچون یاخشی اولماز
ترامپ، چین آددیم آتمادیغی تقدیرده، آمریکانین تک باشینا پروبلئمی حل ائدجیینی سؤیله‌دی
آمریکا پرزیدنتی دونالد ترامپ، نوکلئر سلاح پروگرامییلا ایلگیلی قوزئی کره‌یه گؤز داغی وئردی.
فایننشیال تایمز قزئتینه دانیشان ترامپ، چین آددیم آتمادیغی تقدیرده، آمریکانین تک باشینا پروبلئمی حل ائدجیینی سؤیله‌دی.
ترامپ،
"چینین قوزئی کره اوزرینده بؤیوک بیر تأثیری وار. چین بیزه بو مؤوضوعدا یا کؤمک ائتمه‌یه قرار وئره‌جک یا دا ائتمه‌یه‌جک. اگر ائدرسه بو چین اوچون یاخشی اولار، اگر ائتمزسه بو هئچ کیمسه اوچون یاخشی اولماز" دئیه دانیشدی.
ترامپ، چینین قوزئی کره قونوسوندا کؤمکچی اولماسی‌نین قارشیلیغیندا، آمریکانین کره یاریم آداسین‌داکی عسگرلرینی چئکمه‌یی دوشونوب دوشونمه‌یه‌جگینه دایر بیر سوالا،
"اگر چین قوزئی کره‌نی حل ائتسه، چئکریک" دئیه جاواب وئردی.
دونالد ترامپ، چینین کمکی اولسون یا دا اولماسین قوزئی کره‌نین نوکلئر تهدیدینی انگللمه‌یه قرارلی.
بی‌بی‌سی تورکجه‌نین وئردیگی خبره گؤره؛ ترامپ، چین دؤولت باشقانی شی جینپینگ ایله بو هفته آمریکادا ائدجیی گؤروشمه‌ده، بو قونونو دیله گتیره‌جک.
خاریجی ایشلر باخانی رکس تیلرسون گئچن آی چینه سفر ائتمیش و پکن رهبرلیگین‌دن کیم جونگ-اون یؤنه‌تیمینده قوزئی کره‌دن گلن پوتانسیل تهدیدی آزالتما یؤنونده آددیم آتماسینی ایسته‌میشدی.
