جنوبی کوره، آمریکا و ژاپون، اورتاق دنیز مانوری باشلاددی
جنوبی کوره میللی ساوونما ناظیرلیگی،جوجو آداسی یاخینلیغیندا جنوبی کوره ایله ژاپون آراسینداکی سولاردا باشلادیلان اورتاق مانورین اوچ گون داوام ائدجگینی آچیقلادی
جنوبی کوره، آمریکا و ژاپون، شمالی کورهنین آرتان نوکلئر دنیزآلتی تهدیدینه قارشی اورتاق دنیز مانوری باشلاددی.
یونهاپ آژانسینین خبرینه گؤره، جنوبی کوره میللی ساوونما ناظیرلیگی،جوجو آداسی یاخینلیغیندا جنوبی کوره ایله ژاپون آراسینداکی سولاردا باشلادیلان اورتاق مانورین اوچ گون داوام ائدجگینی آچیقلادی.
مانوره ایجس موکت ساوونما سیستمی، چوخ سایدا ساواش گمیسی و نیظامی هلیکوپترین قاتیلدیغی ایفاده ائدیلن آچیقلامادا، شمالی کورهنین اینکیشاف ائتدیردیگی دنیزآلتیدان آتیلان بالیستیک موشکلره قارشی اوچ اؤلکهنین "تأثیرلی بیر اعتراض" وئرمگی مقصد قویدوغو ایفاده ائدیلدی.
مانورون شمالی کورهنین نوکلئر و موشک تهدیدلرینه قارشی دایانیقلیلیغی بیر ایفادهسی اولدوغونا ایشاره ائدیلن آچیقلامادا، دنیزآلتی علیهداری مانورون دسامبر آیینداکی اوچلو ساوونما گؤروشملرینده راضیلاشدیریلدیغی خاطیرلادیلدی.
جنوبی کوره و آمریکا، کئچن آی دا ایللیک اورتاق مانوری باشلادمیشدی.
"یاورو کارتال" مانوری، بو آیین سونونا قدر داوام ائدهجک.
شمالی کوره، مانورون باشلاماسینین آردیندان جنوبی کوره و آمریکانین دوشمنجه رفتارلارینی داوام ائتدیرمهسی حالیندا نوکلئر فعالیتینی اینکیشاف ائتدیرمگی داوام ائتدیرجگینی آچیقلامیشدی.