آمریکا: روسیا، بشار اسدی چوخ چوخ قورور
نیکی هیلی، آمریکادا بعضی تلویزیون پروقراملارینا قاتیلاراق روسیانین آمریکا سئچیملرینه مداخیلهسی، کریمی ایشغالی و سوریه رژیمینه اولان دستگی کیمی موضوعلاردا سواللاری جوابلادی
آمریکانین بیرلشمیش میللتلر دایمی نمایندهسی نیکی هیلی، روسیانین، سوریه دولت باشقانی بشار اسدین، بیر ساواش گوناهکاری اولماسینا باخمایاراق چوخ چوخ قورودوغونو سؤیلهدی.
نیکی هیلی، آمریکادا بعضی تلویزیون پروقراملارینا قاتیلاراق روسیانین آمریکا سئچیملرینه مداخیلهسی، کریمی ایشغالی و سوریه رژیمینه اولان دستگی کیمی موضوعلاردا سواللاری جوابلادی.
اوّل ABC-ده دانیشان هیلی، روسیانین، 8 نوامبرداکی آمریکا پرزیدنت سئچیملرینه مداخیله ائتدیگی موضوعسوندا هر کسین همفیکیر اولدوغونو ایفاده ائدهرک،
"سئچیملریمیزده هئچ بیر اؤلکهنین مداخیله ائتمهسینی اصلا قبول ائتمریک." دئدی.
روسیانین مداخیلهسینه باغلی واشینگتونداکی مذاکیرهلر و سوروشدورمالار خاطیرلادیلماسی اوزرینه هیلی، بونلاری "باشکند گئوهزلیکلری" اولاراق خاراکتریزه ائدهرک بو سؤز-صحبتلره دئییل گئرچک پروبلملره اوداخلانیلماسی لازیم اولدوغونو مدافعه ائتدی.
"بو آندا روسیا ایله آرامیزدا بیر عشق علاقهسی یوخدور. اسکی گوجوموزو قازانماغا باشلادیغیمیزی اونلار دا فرقینده." دئیه دانیشان هیلی، روسیانی کریمهنی ایشغال ائتمهلری و اوکراین پروبلمیله حرکتلری سببیله تنقید ائتدیغینی سؤیلهدی.
هیلی، روسیایا گوونیلمیهجگینی ده قید ائتدی.
CBS-ده قاتیلدیغی پروقرامدا دا، روسیانی بیر چوخ موضوعدا تنقید ائتدیغینی هیلی،
"روسیا ایله عینی فیکیرده اولمادیغیمیز موضوعلاردا سسیمیزی یوکسلدیریک. اسد بیر ساواش گوناهکاری اولماسینا و خالقینا قورخونج شئیلر ائتمهسینه باخمایاراق روسیا اونو چوخ چوخ قورور. بو موضوعدا سسیمیزی یوکسلتمگی داوام ائتدیریریک." ایفادهسینی ایستیفاده ائتدی.
کریمهین ایشغالی سببیله اوباما دؤورونده روسیایا تحریم تطبیق اولونماسی قراری آلیندیغینی خاطیرلادان و بو شکیلده تضییقلری داوام ائتدیرهجکلرینی ایفاده ائدن هیلی، "طلب اولدوغو زامان روسیایا قارشی چیخماغی دستکلییرم." دئیه دانیشدی.