دونالد ترامپ حکومتی 57 اؤلکه‌یه هله دیپلوماتیک نماینده گؤنده‌رمه‌دی
اوّلکی پرزیدنت باراک اوباما دؤورونده تعیین ائدیلمیش بوتون سیاسی دیپلوماتیک نماینده‌لرین وظیفه‌سینه سون وئرن ترامپ رهبرلیگی، تخمینن ایکی آیدیر بوشالان یئرلرین چوخونو دولدورامادی
آمریکادا 20 ژانویه‌ده ایش باشینا کئچدیک‌دن سونرا سیاسی وظیفه‌لی بوتون ائلچی‌لری وظیفه‌دن ائدن دونالد ترامپ حکومتی، دونیا اها‌لی‌سی‌نین یاری‌سین‌دان چوخونون یاشادیغی 57 اؤلکه‌یه هله دیپلوماتیک نماینده گؤنده‌رمه‌دی.
آمریکادا یایینلانان "کوارتز" آدلی خبر سایتیندا یئر آلان و آمریکا خاریجی ایشلر ناظیرلیگی قایناق‌لارینا دایان‌دیریلان خبرده، یئنی حکومتین آرا‌لاریندا اینگیلتره، کانادا، ژاپون، هیندیستان و سعودی عربیستانی کیمی آمریکانین اهمیت‌لی موتتفیق‌لری‌نین ده اولدوغو 57 اؤلکه‌یه هله ائلچی آتایامادیغی قید ائدیلدی.
اوّلکی پرزیدنت باراک اوباما دؤورونده تعیین ائدیلمیش بوتون سیاسی دیپلوماتیک نماینده‌لرین وظیفه‌سینه سون وئرن ترامپ رهبرلیگی، تخمینن ایکی آیدیر بوشالان یئرلرین چوخونو دولدورامادی.
سؤز موضوعسو اؤلکه‌لرین عمومی نفوس‌لاری‌نین 3،9 میلیاردا چاتدیغی ایفاده ائدیلن خبرده، یئنی حکومتین بو آنا قدر آمریکانین بیرلشمیش میللت‌لر تشکیلاتی‌نین دایمی نماینده‌سی نیکی هیلی ایله ایسرائیل سفیری دیوید فریدمن‌ین آتایابیلدیغی خاطیرلادیلدی.
خبرده، همچینین ژاپون، چین و اینگیلتره نامیزدلری‌نین معین اولدوغو آنجاق ایلک ایکی اؤلکه آدایلارییلا علاقه‌دار سندلرین هله ده تاماملانامادیغی ایفاده ائدیلدیرکن، اینگیلتره نامیزدی اولا‌راق آدی آچیق‌لانان وودی جانسونون ایسه هله رسمی نامیزدلیک مراجعتی‌نین ائدیلمدیگی ایفاده ائدیلدی.
نامیزدلرله باغلی ایلک مرحله پروسه‌لرین تعقیبینی ائدن سناتو خاریجی ایلیشکی‌لر کومیته‌سی مسئول‌لاری، اؤنلرینه گلن نامیزدلرین بوتون سندلری‌نین تام اولماسی لازیم اولدوغونو آنجاق بو موضوعدا پروبلم یاشاندیغینی آچیقلادی.
کومیته‌نین کئچن ائلچی نامیزدلری‌نین سناتو عمومی هیاتین‌دکی سسوئرمه‌ده ده کافی "بلی" اویونو آلماسی لازیم‌دیر.
آمریکان توپلوموندا بو وضعیت، وظیفه‌سی گؤتوردوگو گون‌دن اعتباراً ساغلیق سیغورتاسی قانون لاییحه‌سی، اها‌لی‌سی‌نین اکثریتی مسلمان بعضی اؤلکه وطنداش‌لارینا سیاحت قاداغانی و روسیانین آمریکان سئچیم‌لرینه مداخیله ائتدیگی ادعا‌لاری ایله مشغول اولان ترامپ رهبرلیگی‌نین، دیپلوماتیک نماینده‌لرینی تعیین ائتمه موضوعسوندا کیفایت قدر سرعت‌لی داورانامادیغی آچیقلاما‌لارینا سبب اولدو.
