پاریس-ده پولیس شدتینه اعتراض ائدنلره سرت موداخیله
پایتاختین 19-جو بؤلگهسینده پولیس مرکزینین قارشیسیندا توپلاشان یوزلرله آسیالی کؤچمن "شاویو لیو اوچون عدالت"، "پولیس شدتینه سون"، "سببسیز اؤلدورولدو" شعارلاری سسلندیرهرک حادثهنین آیدینلاتیلماسینی ایسته دیلر.
ایکی گون اول فرانسانین پایتاختی پاریس-ده پولیس 56 یاشلی چین-لی کوچمن شاویو لیونو اؤلدوردوکدن سونرا اعتراض آکسیالاری باشلادی.
پایتاختین 19-جو بؤلگهسینده پولیس مرکزینین قارشیسیندا توپلاشان یوزلرله آسیالی کؤچمنلر "شاویو لیو اوچون عدالت"، "پولیس شدتینه سون"، "سببسیز اؤلدورولدو" شعارلاری سسلندیرهرک حادثهنین آیدینلاتیلماسینی ایسته دیلر.
پولیس اعتراض ائدنلره سرت موداخیله ائتدی.
گؤزیاشاردیجی گاز و ده یه نک لرله اوزاقلاشدیریلان اعتراض ائدنلر آراسیندا یارالانانلار وار.
غضبلی اعتراض چیلار پولیس مرکزینه گیرمهیه چالیشدی. بیر قروپ معترض ده پولیس ماشینینی آتشه توتدو.
قئید ائدک کی، ایکی گون اول پاریسده دعاوا خبری آلاراق شهرین 19-جو بؤلگهسیندکی آدرسه گئدن اوچ پولیس شاویو لیونون اونلارا قایچی ایله هوجوم ائتدیگینی بیلدیریر. پولیسلردن بیرینین "اؤزونو مودافعه" مقصدیله شاویونو ووردوغو، شاویونون حادثه یئرینده اؤلدوگو بیلدیریلیر.
عائلهسی ایسه شاویونون پولیسه هوجوم ائتمه دیگینی، حادثه زامانی مطبخده بالیق تمیزلدیگینی و زنگ چالیندیغیندا قاپینی الینده قایچی ایله آچدیغینی ادعا ائدیر.