آمریکا، قوزئی کرهنی ساواشلا تهدید ائتدی
آمریکا خاریجی ایشلر باخانی رکس تیلرسون، قوزئی کرهنین نوکلئر سلاح پروگرامینی دوردورماماسی حالیندا، بو اؤلکهیه حربی مداخیله گرچکلشدیریلهبیلهجگینی سؤیلهدی
![آمریکا، قوزئی کرهنی ساواشلا تهدید ائتدی](http://cdn.trt.net.tr/images/xlarge/rectangle/5d5f/cbb8/695a/58cbc7893ee77.jpg?time=1718587126)
آمریکا، قوزئی کرهیه قارشی توتومونو سرتلشدیریر.
آمریکا خاریجی ایشلر باخانی رکس تیلرسون، قوزئی کرهنین نوکلئر سلاح پروگرامینی دوردورماماسی حالیندا، بو اؤلکهیه حربی مداخیله گرچکلشدیریلهبیلهجگینی سؤیلهدی.
رسمی سفر اوچون گونئی کرهده اولان آمریکالی باخان، سئولدا، قونومداشی یون بیونگ سه ایله اورتاق مطبوعات کنفرانسی تشکیل ائتدی.
رکس تیلرسون، قوزئی کرهنین نوکلئر سلاح پروگرامینا باغلی اولاراق؛
"دؤزوم استراتژیسی سونا چاتدی... بیر دیزی دیپلوماتیک، گوونلیک و اقتصادی تدبیر آختاریشینداییق. بوتون سئچهنکلر ماسادا" دئدی.
آمریکا خاریجی ایشلر باخانی، "البته وضعیتین حربی چاتیشمایا چئوریلمهسینی ایستهمیریک" دئیهرک،
"آنجاق سلاح پروگرامی تهدیدینی، حرکته گئچمهمیز لازیم اولدوغونا ایناندیغیمیز بیر نقطهیه داشیرلارسا، او زامان بو سئچهنک ده ماسادا اولور" شکلینده دانیشدی.