پنتاگونون داعش استراتژی‌سی
پنتاگون، ترامپین طلبی اوزرینه حاضرلانان داعش ایله مباریزه استراتژی‌سینه یؤنه‌لیک راپور و تکلیف‌لری گله‌جک هفته باشیندا آغ ائوه سوناجاق
آمریکا ساوونما باخانلیغی (پنتاگون)، پرزیدنت دونالد ترامپین طلبی اوزرینه حاضرلانان داعش ایله مباریزه استراتژی‌سینه یؤنه‌لیک راپور و تکلیف‌لری گله‌جک هفته باشیندا آغ ائوه سوناجاق.
پنتاگون سؤزچوسو دنیز آلبای جف دیویس، اؤزلرینه وئریلن 30 گونلوک مدتین بو هفته سونوندا بیته‌جگینی و حربی اوزمانلارین راپور و تکلیف‌لری گله‌جک هفته باشیندا آغ ائوه سونماق اوزره "چالیشمایا داوام ائتدیک‌لرینی" سؤیله‌دی.
دیویس، راپورون داعش ایله مباریزه‌نین عراق و سوریه‌ده‌کی حربی آیاغی‌نین یانیندا افغانیستان، لیبی و باشقا اؤلکه‌لرده هؤرگوتله حربی و مولکی عنصورلارلا مباریزه ائتمه‌یه دایر توصیه‌لر ایچره‌جگینی ایفاده ائتدی.
راپورون مضمونونا دایر بیلگیلر پایلاشمایان سؤزچو، پنتاگون ایله بیرلیکده خاریجی ایشلر و استخبارات بیلگی‌لری‌نین ده ایستیفاده ائدیله‌رک حاضرلانان بو چالیشمانین "عمومی بیر استراتژی چرچیوه‌سی" اولاجاغینی قید ائتدی.
