نیویورک تایمز: روسیا نوکلئر موشک‌لردن بیرینی گیزلی شکیلده بیر پایگاها یئرلشدیردی
خبرده، روسیانین کاپوستینگ‌یار پایگاهیندا ایکی SSC-8 باطریسی اولدوغو و بون‌لاردان بیری‌نین دسامبر آییندا باشقا بیر یئره داشیندیغی ساوونولدو
روسیانین، اوزون مدت‌دیر سینادیغی کونتروللو نوکلئر موشک‌لردن بیرینی گیزلی شکیلده بیر پایگاها یئرلشدیردیغی ادعا ائدیلدی.
آمریکانین مشهور قزئت‌لرین‌دن نیویورک تایمزین آد وئرمه‌دن آمریکا‌لی مسئول‌لارا سؤیکدیگی خبرده، روسیانین سون بیر نئچه ایلدیر گلیشدیریب تست ائتدیگی SSC-8 نوکلئر باش‌لیق‌لی قارادان آتیلان کونتروللو موشک باطریسینی وولگوگراد یاخینلیغین‌داکی موشک تست پایگاهی اولان کاپوستینگ یار'دان آلیب عملیات بیر پایگاها یئرلشدیریلدیغی ادعا ائدیلدی.
خبرده، روسیانین کاپوستینگ‌یار پایگاهیندا ایکی SSC-8 باطریسی اولدوغو و بون‌لاردان بیری‌نین دسامبر آییندا باشقا بیر یئره داشیندیغی ساوونولدو.
کشفیات راپور‌لاریندا سیناق مرحله‌سینده اولدوغونو ایفاده ائتمک اوچون آمریکا کشفیاتی‌نین کونتروللو موشک سیستمینی SSC-X-8 اولا‌راق خاراکتریزه ائتدیگی معلوماتی‌نین پایلاشیلدیغی خبرده، بیر مدت‌دیر راپور‌لاردا موشک‌نین آرتیق سیناق مرحله‌سینده اولمادیغی و عملیات اولدوغونا ایشاره ائده‌جک شکیلده "X" حرفی‌نین چیخاریلدیغی ادعاسینا دا یئر وئریلدی.
آمریکا ساوونما ناظیرلیگی (پنتاگون) سؤزچولرین‌دن لورا سیل، کشفیات موضوعلارینا یؤنلیک آچیقلاما ائتمیه‌جگینی آنجاق روسیانین اوزون مدت‌دیر، 1987-جی ایلده ایمضا‌لانان و اورتا مسافه‌لی قارادان آتیلان موشک‌لری قاداغان ائدن "اورتا مسافه‌لی نوکلر گوجلر موقاویله‌سی"نی پوزدوغونو ایره‌لی سوردو.
ساوونما ناظیرلیگی‌نین، روسیانین پوزونتولاری‌نین آوروپا و آسیانین امنیتینه ریسک تشکیل ائتدیگی موضوعسوندا داها اوّل قایغی‌لارینی ایفاده ائتدیگینی و روسیانین موقاویله‌یه صادق قالماسینی گؤزلدیگینه یؤنلیک گؤزلمه‌سینی اورتایا قویدوغونو خاطیرلا‌دان سیل،
"آمریکا و موتتفیق‌لرینه یؤنلیک امنیت نتیجه‌لرینی قیمتلن‌دیرمک اوچون روسیانین اورتا مسافه‌لی نوکلئر گوجلرلر آندلاشماسی پوزونتولاری‌نین آراشدیریلماسینی دستکلییریک." دئدی.
بونون یانیندا آمریکا‌لی مسئول‌لار، بیر نئچه روس ساواش اوچاغی‌نین کئچن هفته قارا دنیزدکی آمریکا ساواش گمیلرینه چوخ یاخین اوچدوغونو آچیقلادی.
آمریکانین شرق ساحیل‌لرینده ایسه روسیایا عایید جاسوس گمی‌سی تثبیت ائدیلدی.
AGI یعنی عمومی کشفیات گمی‌سی اولا‌راق تعیین اولونان دنیز واسطه‌سی، کوبا‌دان حرکت ائتدیک‌دن سونرا دلاویر ساحیل‌لرینده اولوسلار آراسی سولاردا تثبیت ائدیلدی.
